Чикманов (Юсьва район)

Босьтöм Википедия вылiсь
Перейти к навигации Перейти к поиску
Чикманов
Чикманово
Му:  Рочму
Статус:  грезд
ладор:  Перем ладор
район:  Юсьва район
Инлыдпассэс:  58°59′40″ с. ш. 55°25′40″ в. д. / 58.994444° с. ш. 55.427778° в. д. (G)
Веськӧтлан кыв коми, роч
Отир лыд  37 морт (2009)
Час кытш:  UTC+5
Телефон нумерӧ содтӧт:  +7 34246
Почта инпас:  619189
Авто нумерӧ содтӧт:  59, 81


Чикманов (сідзжö шуöны Чикманова) — Перем ладорись Коми кытшын, Юсьва районсис Купрӧс посадмуын коми грезд (деревня).

Ним йылісь[мöдкодьсьöтны | править код]

Олöма пö купеч Чикман, сы ним сьöрті и пондöмась шуны грездсö.

География[мöдкодьсьöтны | править код]

Чикманов грезд сулалö Кудымкарсянь Пожвалань мунан туй дорын, Иньва юсянь ойвылö 1,5 км ылынаын. Кудымкарöдз муннытö 56 км, автобусöн 1:20.

Ордчöн, етшажык километрася ылынаын сулалöны: рытвылас, — Трипанов грезд, асыввылас, Пöй ю дорын, — Пашня грезд. Аксёновчи посадöдз колö мунны 2,5 км рытвылö, Купрöс посадöдз — 5 км асыввылö. Лунвылас 4 км ылынаын сулалö Крыкалёв посад, но веськыт туй сэтчöдз Чикмановсянь абу.

Рельефын тöдчöны:

Вöрын олöны ош, вӧрмӧс, кӧин, руч, ур. Быдмöны пикан, шышыбар.

Янсалöм[мöдкодьсьöтны | править код]

Чикманов грездын кык тор: ачыс Чикманов да Маркин.

Туйез[мöдкодьсьöтны | править код]

Чикманов грездын эм нёль туй [1]

Коми ним Роч ним
Дорога туй ул. Дорожная
Маркин туй ул. Маркино
Сад туй ул. Садовая
Ыб туй ул. Полевая

История[мöдкодьсьöтны | править код]

Чикманов грездын кöркö вöлöма колхоз "Март 8' лун", уджалöма клуб, школа. Отирыс вöлöм уна.

Веськöтлан[мöдкодьсьöтны | править код]

Öні Чикманов грезд пырö Купрӧс посадмуö, а 2006' воöдз сія вöлі Аксёновскöй сельсоветын. Аксёновчиын и öні пукалö морт, кöда влась нимсянь баитö чикмановчикöт.

Отир[мöдкодьсьöтны | править код]

Чикманов грездын олöны чикмановчи. 2009' во пондöтчикö нія вöлöмась 37 морт, кöдна видзöмась 17 горт (öні пö 41 морт, 16 горт). Отирыс комиöсь, баитöны комиöн. Уныжыкыс гишшöны Крохалёв да Кылосов.

Кöзяйство да быт[мöдкодьсьöтны | править код]

Ыджыт уджаиннэз Чикмановын абуöсь. Отиырыс быдтöны карч, видзöны пода, вузалöны ма, чериалöны, öктöны тшак, ягöд да веськöтчан туруннэз.

Туйез Чикмановас умöльöсь, ас машинаэз абу уна [2]. Быд час грезд пырйöт мунö автобус, эм тодильнöй сувтчан.

Чикмановын позьö видзöтны телевизор, кывзыны радио, баитны мобильникöт.

Лавкаэз грездын абуöсь, босьтасьнытö отирыс ветлöны Аксёновчиö нето Купрöсö.

Быт службаэз абуöсь жö, бритчыны да мый да колö мунны Юсьва посадöдз.

Медпункт ни аптека абу.

Дзебсьыны ветлöны куим километра сайö.

Культура[мöдкодьсьöтны | править код]

Челядьсад ни школа öні Чикмановын абуöсь. Медматын пондöтчан школа - Аксёновчиын. Ыджытжык челядь ветлöны велöтчыны Аксёновчиö жö нето Купрöсö.

Клуб абу, фольклор коллектив абу, гажöтаннэсö грездас озö чулöтö.

Гортын порйöтлöны Иван лун, Василий рыт.

Юрбытны татісь кристосаэз ветлöны Öнтипинчиö, Пожваö нето Майкарö.

Казьмöтаннэз да сингажöтаннэз[мöдкодьсьöтны | править код]

Ордча ландшафттэз[мöдкодьсьöтны | править код]

Лыддьöтан[мöдкодьсьöтны | править код]

  • Коми-Пермяцкий национальный округ. Москва-Ленинград, 1948.
  • Мельникова М. Б. Гижöм. Перем, 2011.

Ыстісяннэз[мöдкодьсьöтны | править код]

  1. Вот öктіссез сайтісь.
  2. Мельникова Мария Борисовна сьöрті.


Шаблон:Купрӧс посадмуись олан иннэз