Зюзьдінса

Зюзьдінса — коми отир, кöдна олöны Кама йыввезын, Киров лапӧлісь Зюзьдін (Афанасьева) районын. Рытвылынжык олісь комиэз коласын нія медматынӧсь Коми кытш дынӧ. Одзджык эта вӧлі Ятка губернияись Глазов уезд.

Этноним

Зюзьдінса этноним лоис, натьтӧ, Сюзьва ю нимсянь, кӧда усьӧ Кама юӧ веськыт ладорсянь (Зюзьдін < Сюзь дін, дін кывлӧн вежӧртас лоӧ ‘уссё’). Этія ю уссё гӧгӧр, тыдалӧ, и олісӧ татісь комиэзлӧн важ ай-маммез.

Асьнысӧ татісь комиэз рочӧн шуӧны пермянаӧн", да "пермянса зыряниннэзӧн, пермяккесӧ оз радейтӧ.

Рочсялöм

Уна век сьӧрна зюзьдінса олӧмась торйӧн коми этнос шӧриннэзсянь, ӧтлаын роччезкӧт. Сійӧн Зюзьдын комиэслӧн важынсянь лоӧма аскодьӧм рочсялӧм олан культура. Рӧдвуж отир дынсянь торйӧн олӧмыс, нация зоралӧмсянь да коми отирлӧн ӧтлаасьӧмсянь торьялӧм, Коми Республикаись комиэзкӧт экономика да культура йитӧттэзын етша пантасьлӧм, унажыксӧ и сорлаласӧ Зюзьдынісь комиэсӧ рочческӧт.

Лыд

1950 воэзӧ Зюзьдын районас коми отир вӧлӧмась 7 сюрс гӧгӧр морт, 1970 гӧдӧ — 700 морт. А 2002 гӧд кежӧ татӧн кольдзчасӧ 351 коми морт, сы сьӧрті, кыдз быдсӧн районас олӧны 16 960 морт.

Этногруппаэз

Зюзьдынісь комиэс баитан кыв да горт олан сьӧрті торйӧтчӧны кык чукӧр вылӧ. Ойвыв зюзьдинсаыс вачкисьӧны унажыксӧ Гайна гӧгӧрись пермяккезлань, лунвывсяэс — Иньва дорисьпермяккезлань.

Кыв

Баитöны коми -зырянскӧй кыв лöн зюзьдінса диалект вылын.

Культура

• Фольклор группа «Ниримдор»
• Перем коми культура шöрин (д. Московская)

Антропотип

Антропологгез сьöрті татісь комиэз сублапоноид ятка-кама антропотипаöсь.

Фамиллияэз

Этчинся зыояниннэс новйöны сэтшöм памиллёэз:

• Ичетовкин
• Носков
• Першин
• Сюзев
• Харин
• Черанёв

Öшмöссэз

• Белицер В.Н. Очерки по этнографии народов коми. М., 1958.
• Жеребцов Л.Н. Историко-культурные взаимоотношения коми с соседними народами. М., 1982.
• Нечаев Г.А. Характеристика Зюздинского диалекта коми языка // Сборник комиссии по собиранию словаря и изучению диалектов коми языка. Вып. 1. Сыктывкар, 1930. С. 7-27.