Карчой (Кӧсладор район)

Босьтöм Википедия вылiсь
Вешшыны татчö: уялöм, кошшан
Карчой
Карчёй
Му:  Рочму
Статус:  грезд
ладор:  Перем ладор
район:  Кӧсладор район
Инлыдпассэс:  59°55′18″ с. ш. 54°29′00″ в. д. / 59.921667° с. ш. 54.483333° в. д. (G)
Веськӧтлан кыв коми, роч
Отир лыд  11 морт (2009)
Час кытш:  UTC+5
Телефон нумерӧ содтӧт:  +7 34298
Почта инпас:  619451
Авто нумерӧ содтӧт:  59, 81

Карчо́йПерем ладорись Коми кытшын, Кӧсладор районісь Чадзӧв посадмуын грезд (деревня).

Ним йылісь[мöдкодьсьöтны | править код]

Файл:Карчой помын керку.JPG
Карчой помын керку

Карчой грездлöн ним тэчöма кык торись: кар да чой. Карнас одзжык шуöмась йöрйöм оланін нето шойна. Чой — керöс, мыс. Сідзкö, Карчой позьö вежöртны кыдз йöрйöм оланінын мыс.

География[мöдкодьсьöтны | править код]

Карчой сулалö Карчойшор пöлöн, Чадзöвсянь ойвыв-рытвылö 4,5 км ылынаын да Пеклаыбсянь ойвыв-асыввылö кык километра ылынаын.

Грездын эм кык пруд, Карчой кыкнан помын. Гожумнас местаыс öддьöн гажа.

Янсалöм[мöдкодьсьöтны | править код]

Карчойын позьö торйöтны веськыт вадöр да шульга вадöр.

Туйез[мöдкодьсьöтны | править код]

Öні Карчойын лыддьöны токö öтік туй [1]:

Коми ним Роч ним
Карчой туй ул. Карчейная

Былись туйес кыка, шорсяняс кыкнан ладöрын.

История[мöдкодьсьöтны | править код]

Комиэз лöсьöтöмась Карчояс öнняся оланін 1870' воэзö, кöр татчö локтöмась йöз Поддячöвсянь.

1909' годö татöн олöмась 71 морт, видзöмась 10 картавыл. Отирыс кöдзöмась сю, пöрöтöмась вöр, вöралöмась да чериалöмась.

1924' воöдз карчойчи олöмась Чердын уездісь Юксьӧв волосьын, сэсся Кöсладор районісь Чадзӧв сельсоветын.

1926' вося гижöтöм коста татöн лыддьöмась 80 мортöс, кöдна видзöмась 13 картавыл.

Коллективизируйтчикö карчойчи öтлаын пеклаыбчикöт лöсьöтöмась «Краснöй звезда» колхоз.

1936' годö Карчояс олöмась 102 морт, вöлі 18 картавыл.

«Краснöй звездаас» пеклаыбчи уджалöмась öтлаын карчойчикöт 1959' воöдз, кöр колхозсö гырисьмöтасö — содтасö Чадзöвись да Поддячöвись кöзяйствоэз, а шöринсö вуджöтасö Чадзöвö.

Сія жö годö вöлі гижöтöм. Сы коста Карчойсис адззöмась 21 строеннё, 22 гортвидзан, 108 олісьöс.

Гырись «Краснöй звездасö» 1960' годö ни нимтöмась «Путь Иллича», а 1970' годö керисö сыись «Чадзöвскöй» совхоз.

1971' годö Карчойын вöлі 22 кöзяйство. Мыйкö дыра нельки уджалöма ясьли. Отир касьтылöны да, вöлöма пö клуб, магазин. Челядьыс ветлöмась велöтчыны Пеклаыбö, гырисьжыккез — Чадзöвö.

Отир кöдзлöмась сю, видзöмась пода.

Но сэсся оланыс разьсис. Йöзыс пондісö мунны овны мöділаэзö. 2007' во пондöтчикö Карчояс олöмась токö 12 морт, кöдна видзöмась кыкъямыс кöзяйство.

2011' гожум кежö Карчояс кольччöма овны дзир öтік семья, да куим öтка айка морт.

Веськöтлан[мöдкодьсьöтны | править код]

Ӧні Карчойыс пырӧ Кӧсладор районісь Чадзӧв посадмуӧ, отирыс бöрйöны депутаттэзöс районісь Земство öксянö да посадмуись депутаттэз советö. Сетöны кипаснысö район да посадму юраліссез понда.

Отир[мöдкодьсьöтны | править код]

Олöны Карчояс карчо́йчи. Мужик морт — карчо́еч, инька морт — карчо́йка. Тöдчаннимыс карчо́йись нето карчо́йскöй.

Гумагаэз сьöрті 2009' во пондöтчикö Карчойын олöмась 11 морт, кöдна видзöмась сизим горт.

Карчойись фамиллёэз: Батуев, Мартынов, Пустоев.

Отирыс комиöсь, баитöны комиöн. Токö öтік мортыс (Чудинов) рочовöй, локтöма Нöвöсёлісь.

Кöзяйство да быт[мöдкодьсьöтны | править код]

Отир уджалöны асланыс карчйöррезын. Мукöдыс вовлöны горт деревняаныс токö гожйыны, а уджалöны мöділаын.

Грезд гöгöр лёка пöрöтöны вöр локтісь йöз.

Отир норасьö кислотнöй зэррез вылö, кöднö вайöтö татчö тöв Кыдззакарсянь.

Карчойын сулалöны таксофоннэз, эм мобильнöй йитöт (UTEL).

Туйез грездас да сы гöгöр — куш му нето турун. Но отирлöн эмöсь ас машинаэз да техника.

Культура[мöдкодьсьöтны | править код]

Грездын порйöтлöмась вежалун Девята Пятница, сэк кежö татчö вовлöмась гöссез ордча деревняэзісь.

Казьмöтаннэз да сингажöтаннэз[мöдкодьсьöтны | править код]

Лыддьöтан[мöдкодьсьöтны | править код]

  • Коми-Пермяцкий автономный округ на рубеже веков. Кудымкар, 2000. ISBN 5-87901-051-1
  • Коми-Пермяцкий национальный округ. Москва-Ленинград, 1948.
  • Мартынов М. Е. Селения Косинского района. Справочно-статистический материал. Кудымкар, 2009. ISBN 978-5-87901-127-2
  • Шаги времени. К 80-летию образования Косинского района / редактор-составитель О. П. Кучева. Пермь, 2004. ISBN 5-93683-030-X.

Ыстісяннэз[мöдкодьсьöтны | править код]

  1. Вот öктіссез сайтісь