Мӧсква

Мӧсква
	Мӧсква ; Москва
Вужпас;	Дӧрапас;
Му:	Рочму
Статус:	канкар
Пытшкӧс торйӧтӧм:	10 кытш (123 район)
мэр:	Собянин Сергей
Медодз казьтылӧм:	1147
Важжык ниммез:	Кучково
Инлыдпассэс:	55°45′ с. ш. 37°37′ в. д.HGЯO
Ыжда:	1081 км²
Веськӧтлан кыв	роч
Отир лыд; • Агломерация	13 197 596 морт (2017); 15 300 000 морт
Час кытш:	UTC+3
Телефон нумерӧ содтӧт:	+7 495, 499
Почта инпассэс:	101XXX-129XXX
Авто нумерӧ содтӧт:	77, 99, 97, 177, 197, 199

Мӧсква (роч. Москва) — Роч мулӧн канкар, Роч Федерация видзантор.

Роч канму понда Мӧсква – быдӧс. Татӧн чукӧртӧмӧсь роч политика, культура, наука да бизнес зорӧтан медыджыт выннэз.

География

Карыс сулалӧ Ока да Волга юэз коласын, сэтчин, кытӧн ӧтлаасьӧны Смоленск-Мӧсква вылынін (рытвылын), Мӧсква-Ока волькытін (асыввылын) да Мещёра улынін (лунвыв-асыввылын).

Мувывторыс – 1.091 км², сыись ыджытжык торыс куйлӧ Мӧсква гӧгӧртан авто туйкытш пытшкын (МКАД).

Карыс куйлӧ Мӧсква ю кыкнан ладорын. Сысся карӧттяс котӧртӧны и мӧдік юоккез: Сходня, Химка, Пресня, Неглинная, Яуза, Нищенка, Сетунь, Котловка, Городня. Унажык нія юэзісь кар кузя котӧртӧны му пытшкӧт – трубаэзӧт.

Ӧддьӧн унаӧсь Мӧсква му вылын вӧррез да быдкодь быдманнэз. Татӧн эмӧсь Измайлов, Тимирязев, Битцев паркез, а сідзжӧ Нескучнӧй но Ботаническӧй саддэз.

Отир

Олӧны Мӧскваын 13 197 596 морт (2017).

Янсалӧм

Мӧсква янсӧтӧма дас кытш вылӧ. Шӧрӧт кытшыс куйлӧ карыслӧн важся шӧринас. Мӧдік кыкъямыс кытш куйлӧны сы гӧгӧр, кыдз авто туйкытш пытшкын, сідз и сы сайын. И токӧ ӧтік кытш (Зеленоград) куйлӧ быдӧнныссянь торйӧн.

Ойвыв-рытвыв кытшын эмӧсь татшӧм районнэз: Куркино, Митино; ойвыв-асыввыв кытшын – Севернӧй карок, Асыввыв кытшын – Выхино, Жулебино; Лунвыв-рытвыв кытшын – Ойвыв да Лунвыв Бутово.

Нысся Москва кармуын лыддиссьӧны сы гӧгӧр куйлан каррез: Зеленоград, Внуково, Толстопальцево, Рублёво, Некрасовка, Люберцы, Одинцово, Видное, Долгопрудный, Мытищи, Королёв, Балашиха, Реутов, Химки.

Веськӧтлан

Мӧсква кар вылын юралісьыс шусьӧ Мӧсква карись веськӧтланын юралісь – карлӧн мэр. Уна во эта пост вылын пукаліс Лужков Юрий, 2010' окябсянь мэралӧ Собянин Сергей. Туйдӧттэз Мӧсква понда лэдзӧ Карись Дума. Сэтчӧ пырӧны 35 депутат, кӧднӧ бӧрйӧны 4 во кежӧ.