Камайыв вылынін

Камайыв вылынін (рочӧнжык: Верхнекамскӧй возвышеннось) — Кама ю йыввезын сулалан вылынін. Сійӧ ас коласаныс торйӧтӧмась Коми кытш, Удмурт республика да Киров лапӧв.

Камайыв вылынінас асыввыв покатсяняс пондӧтчӧны Камалӧн медыджыт веськыт вожжес – Кӧсва, Иньва да Обва, а рытвыв покатсяняс босьтӧ пондӧтчансӧ и ачыс Кама юыс.

Камайыв вылынін лэбӧ мувевдӧрнас 300–335 метраӧдз. Медвылын чутыс – Краснояр керӧс (337 м), куйлӧ Киров лапӧлісь Зюзьдін районын. Шӧрӧт лыдпассэз, бӧра, дзир 240–280 м мымда.

Камайыв вылынін тэчӧма сёйезісь, мергеллезісь да лыаись. Вевттьӧм сія унажыксӧ лысъя вӧрӧн.

Камайыв вылынін – коми отирлӧн зюздін увтырыслӧ важся горт.