Кудымкар

Кудымкар
Вужпас	Дӧрапас
Му:	Рочму
Статус:	кар
ладор:	Перем ладор
юралісь:	Голубков Анатолий Николаевич
Медодз казьтылӧм:	1579' во
Кар:	1938'' восянь
Важжык ниммез:	Кудымкор
Инлыдпассэс:	59°00′55″ с. ш. 54°39′57″ в. д.
Ыжда:	25,3 км²
Веськӧтлан кыв	роч кыв
Отир лыд	30 964 морт (2008)
Час кытш:	UTC+5+5
Телефон нумерӧ содтӧт:	+7 34260
Почта инпас:	619000
Авто нумерӧ содтӧт:	59, 81, 159

Кудымкар — Перем ладорись Коми кытшын кар, Коми кытшлӧн канкар.

Öні карыс лыддисьö торья асвеськöтлан юкöтöн — Кудымкар каркытш, этася карыс лоö Кудымкар район понда веськöтлан шӧрин.

Кудымкар куйлӧ Перемсянь 201 км ылынаын, Коми кытш лунвылын, Иньва ю кыкнан ладорын да мымдакӧ Кува ю уссёын. Карыс дорӧт мунӧ автомагистраль Гайна—Менделеева.

Карыс 25,3 км² ыжда, олӧны татӧн 30,7 сюрс морт (2010).

История

Отир пондӧмась овны ӧння Кудымкар местаын важынся каддэзсянь. 1472' годӧ энія муэз ӧтлаын Ыджыт Перемкӧт пырӧмась Мӧсква кипод увтӧ.

Медодз Кудымкарсӧ (Кудымкор) казьтылӧма И. И. Яхонтов 1579' воын, сэк татӧн олӧмась пӧ 11 айка морт да вӧлі сизим горт. В 1609 годӧ Кудымкар гӧгӧр эм ни аслас кытш, кытчӧ пырӧмась нёль грезд. XVII векӧ Кудымкар лоас Иньва ладор понда шӧрин туйӧ. 1623' воын М. Кайсаров гижӧтан небоггез сьӧрті Кудымкарыт — погост, кӧда кипод увтӧ пырӧны 11 грезд да 13 починок.

1833' годӧ Кудымкар посадас официальнӧя осьтӧмась Строгановвез вотчиналӧн Иньва дача понда кытшӧн веськӧтлан, а 1837' годӧ татчӧ лӧсьӧтӧмась стан приставлісь патера. 1850' воын Н. А. Рогов сьӧрті посадас вӧлі 100 горт, кытӧн олӧмась 700 морт.

Кува да Иньва юэзлӧн ӧтлаасьӧм мecтаын бытшӧмa пукcьӧмa посад строитсис да паськаліс. Строитчӧмыс нуӧтcиc C.В. Строганова грaфинялӧн accямa плaн cьӧpті, кытӧн бaитcиc и Иньвa ю весьтӧт пос строитӧм йылісь, кӧда народас шусис «софийскӧйӧн». Ӧнӧдз важ Кудымкар мыгӧрын кокнита казясьӧны веськыт туйез, кӧдна аркмӧтӧны кварталлэз, да изісь керӧм вичку гӧгӧрись медӧшрӧт отаин, кӧда вылын чулaвліcӧ быдкодь вeжaлуннэз.

1908' годӧ Кудымкарын олӧмась 1192 морт. Татӧн пукаліс Перем губерняись Совкар уездлӧн 3-ӧт стан вылын юралісь. Этія станӧ пырлӧма ӧння Кудымкар район да ордча муэз ӧння Юсьва да Карагай районнэзісь.

Кудымкарын сія кадӧ вӧлі нёлькласса велӧтчанін, земство осьтлӧма тодиль школа и нывкаэз понда. Уджалӧмась библиотека, больнича да ветеринар пункт, челядь понда юрсюянін, богодельня. Кува ю вылын керӧмась пором да сувтӧтӧмась мельнича. Карын поздісис вӧрвидзан контора, потребитіссезлӧн котыр. Год вылас куимись чулӧтлӧмась ярманкаэз, быд недель осьтлӧмась базар. 1909' годӧ татчӧ лӧсьӧтӧмась пошта-телеграф юкӧт.

Советтэз дырни Кудымкар пондіс быдмыны чожажык. 1931' годӧ посад туйӧ сія лоис карокӧн, а 1938' воын сійӧ керисӧ карӧн.

Кудымкарас пондісӧ уджавны: 1927' годӧ педагогика сьӧрті велӧтчанін (медодз техникум), 1929' годӧ вӧртехникум (медодз техникумлӧн юкӧт), 1930' годӧ му-видз уджалӧм сьӧрті техникум, 1930' жӧ годӧ медицина сьӧрті велӧтчанін (перво фельдшер-акушеррез понда школа); война бӧрын Кудымкарас осьтісӧ техника профессияэзӧ велӧтан кынымкӧ керку.

1920' воэз помын – 1930' воэз одзза джынын татӧн осьтӧны неыджыт уджаиннэз отир олан да кӧзяйство понда товаррез лэдзӧм могись: чугункисьтан да дорсян, пууджалан да лёнвесӧтан, кучик-кӧмкӧт, кирпич, ви, тракмав-патока, пӧжасэз, быдкодь юаннэз лэдзан. Зораммӧма и изан удж: Юринаын лӧсьӧтісӧ элеватор да няньзавод. 1936' годӧ Кудымкарын оссьӧ трест Комипермлес, кӧда бердын 1937' годӧ лӧсьӧтӧны механика дзоньталан медшӧрӧт мастерскӧйез (сэсся лоисӧ заводӧн). 1931-1934' воэз сьӧрна нюжӧтісӧ кӧдзаӧсь автотуй Менделеева—Кудымкар, кӧда пыр Коми кытшсяняс позис петны кӧрт туй дорӧ.

Янсалӧм

Кудымкарись юкӧттэз:

• Восточка
• Заболотнӧй (Нюрсай), Иньва да Кува коласын, кар шӧринсянь рытвылӧ.
• Интернатовскӧй, кар шӧринсянь ойвылӧ
• Кирзавод, кар шӧринсянь ойвыв-асыввылӧ.
• Климова, кар шӧринсянь асыввылӧ.
• Мирнӧй, кар лунвылын
• Пилич, Кува шульга ладорын, кар шӧринсянь ойвыв-рытвылӧ.
• Шӧрин (Центр)
• Юрина, Иньва веськыт ладорын, кар шӧринсянь лунвылӧ.

Туйез да туйколассэз

Кудым Ошлӧ монумент Кудымкарын

Файл:Изъюр1.JPG

Изъюр

Кудымкарись веськӧтланін

Вежа Микола вичку

Перем коми театр

Файл:Кудымкар отаин.JPG

Карись отаин

Файл:Кудымкар Лихачёв туй.JPG

Лихачёв туй

Файл:Кудымкар. Мир туй.JPG

Мир туй

Коми кытш делоэз сьӧрті министраин

Перем коми музей

И. Я. Кривощёков нима шоччисян парк

Часовенка

Файл:300px-PL Sud Kudymkar.jpg

Перем ладорись суд Кудымкарын

Файл:Кудымкар. Автовокзал.JPG

Автовокзал

Файл:Кудымкар Блюз2.JPG

Кафе Блюз

Файл:Кудымкар Иньва поссянь.JPG

Иньва поссянь

Файл:Кува плотина2.JPG

Кува пором

Кудымкарын öні лыддьöны 183 туй :

Коми ним	Роч ним
Авиаторрез туй	Авиаторов
Автотыртан туй	Автозаправочная
Аграрнӧй туй	Аграрная
Бабушкин туй	Бабушкина
Белинскӧй туй	Белинского
Болотников туй	Болотникова
Больнича туй	Больничная
Большевик туй	Большевистская
Боталова туй	Боталовой
Братчиков туй	Братчикова
Вапӧв туй	Набережная
Вавилин туй	Вавилина
Васькин туй	Васькина
Верещагин туй	Верещагина
Ветеринар туй	Ветеринарная
Видз туй	Луговая
Виж туй	Зелёная
Вильоліссез туй	Новосёлов
Виль туй	Новая
Володарскӧй туй	Володарского
Вӧр туй	Лесная
Вӧрсай туй	Залесная
Гагарин туй	Гагарина
Гайдар туй	Гайдара
Гастелло туй	Гастелло
Герцен туй	Герцена
Гириб туй	Гирибская
Гоголь туй	Гоголя
Голев туй	Голева
Гончаров туй	Гоначарова
Гӧрд Армия туй	Красноармейская
Грибоедов туй	Грибоедова
Давыдов туй	Давыдова
Данилов туй	Данилова
Дача туй	Дачная
Дёмина туй	Деминская
Дзержинскӧй туй	Дзержинского
Дзоридза туй	Цветочная
Дмитриевскӧй туй	Дмитриевского
Дорись туй	Крайняя
Енӧшка туй	Радужная
Ёртасян туй	Дружбы
Жуков туй	Жукова
Завод туй	Заводская
Завьялов туй	Завьялова
Изанін туй	Мельзаводская
Изъюр туй	Красная Горка
Индустрия туй	Промышенная
Инкубатора туй	Инкубаторная
Иньвадор туй	Берег Иньвы
Йитіссез туй	Связистов
Калинин туй	Калинина
Камыш туй	Камышовая
Караваев туй	Караваева
Карсай туй	Загородная
Киров туй	Кирова
Кӧдзула туй	Звездная
Колхоз туй	Колхозная
Колыхматов туй	Колыхматова
Кольцов туй	Кольцова
Коми Геройез туй	Героев Коми-Пермяков
Коми туй	Пермяцкая
Коммунизм туй	Коммунистическая
Комсомол туй	Комсомольская
Конституция туй	Конституции
Коркин туй	Коркина
Кривощёков туй	Кривощекова
Крупскӧй туй	Крупской
Крылов туй	Крылова
Кузнецов туй	Кузнецова
Курчатов туй	Курчатова
Кутузов туй	Кутузова
Кыдзза туй	Березовая
Кыраса туй	Овражная
Лазо туй	Лазо
Леваневскӧй туй	Леваневского
Ленин туй	Ленина
Лермонтов туй	Лермонтова
Лихачёв туй	Лихачева
Ломоносов туй	Ломоносова
Лӧнь туй	Тихая
Луначарскӧй туй	Луначарского
Лунвыв туй	Южная
Горькӧй туй	М.Горького
Май 9' лун туй	9 Мая
Маркс туй	К.Маркса
Март 8' лун туй	8 Марта
Матросов туй	Матросова
Маяковскӧй туй	Маяковского
Медшӧр туй	Центральная
Мезмӧт туй	Свободы
Менделеев туй	Менделеева
Мир туй	Мира
Мичурин туй	Мичурина
Морозов туй	П.Морозова
Му-видз уджалан туй	Сельскохозяйственная
Назукин туй	Назукина
Некрасов туй	Некрасова
Нефедьев туй	Нефедьева
Нефтяліссез туй	Нефтяников
Нечаев туй	Нечаева
Октяблӧ 50 во туй	50-летия Октября
Октябся туй	Октябрьская
Онянов туй	Онянова
Орджоникидзе туй	Орджоникидзе
Островскӧй туй	Островского
Отёв туй	Отевская
Отир туй	Народная
Ошмарин туй	Ошмарина
Павлов туй	Павлова
Парк туй	Парковая
Первомай туй	Первомайская
Перыт туй	Быстрая
Песӧк туй	Песочная
Печать туй	Печати
Пионер туй	Пионерская
Пирогов туй	Пирогова
Плеханов туй	Плеханова
Плода-ягӧда туй	Плодово-ягодная
Полюс туй	Полярная
Попов туй	Попова
Пором туй	Плотина
Пролетариат туй	Пролетарская
Промысловӧй туй	Промысловая
Пруд туй	Прудовая
Пугачёв туй	Пугачева
Пушкин туй	Пушкина
Радищев туй	Радищева
Разин туй	Разина
Революция туй	Революционная
Репин туй	Репина
Роман туй	Романовская
Сад туй	Садовая
Сазонов туй	Сазонова
Свердлов туй	Свердлова
Серов туй	Серова
Снегирёв туй	Снегирева
Совет Армия туй	Советской Армии
Советтэз туй	Советская
Социализм туй	Социалистическая
Стаханов туй	Стахановская
Строганов туй	Строганова
Строитіссез туй	Строителей
Студенттэз туй	Студенческая
Суворов туй	Суворова
Сысолетин туй	Сысолетина
Тимирязев туй	Тимирязева
Томмез туй	Молодёжная
Том Гвардия туй	Молодогвардейская
Тонков туй	Тонкова
Топорков туй	Топоркова
Туйкериссез туй	Дорожников
Тулысся туй	Весенняя
Тургенев туй	Тургенева
Удж туй	Трудовая
Урал туй	Уральская
Усадьба туй	Усадебная
Утёв туй	Утева
Филич туй	Филичевская
Фрунзе туй	Фрунзе
Халтурин туй	Халтурина
Хозяшев туй	Хозяшева
Хомяков туй	Хомякова
Хорошев туй	Хорошева
Циолковскӧй туй	Циолковского
Чапаев туй	Чапаева
Челюскинчи туй	Челюскинцев
Чернышевскӧй туй	Чернышевского
Чехов туй	Чехова
Чкалов туй	Чкалова
Шмидт туй	Шмидта
Шондіа туй	Солнечная
Щетинников туй	Щетинникова
Щорс туй	Щорса
Ыб туй	Полевая
Энгельс туй	Ф.Энгельса
Энергетиккез туй	Энергетиков
Энтузиасттэз туй	Энтузиастов
Юдор туй	Речная
Юрина туй	Юринская
Яг туй	Боровая
Яковкин туй	Яковкина

Туйезся Кудымкарын эм 20 туйколас

Коми ним	Роч ним
Гончар туйколас	пер. Гончарный
Иньва туйколас	пер. Иньвенский
Йöг туйколас	пер. Егвинский
Керöсвыв туйколас	пер. Нагорный
Кува туйколас	пер. Кувинский
Май туйколас	пер. Майский
Медицина туйколас	пер. Медицинский
Ойвыв туйколас	пер. Северный
Парма туйколас	пер. Таежный
Партизан туйколас	пер. Партизанский
Пожума туйколас	пер. Сосновый
Пролетариат туйколас	пер. Пролетарский
Рытвыв туйколас	пер. Западный
Спорт туйколас	пер. Спортивный
Техника туйколас	пер. Технический
Толстöй туйколас	пер. Толстого
Транспорт туйколас	пер. Транспортный
Челядь туйколас	пер. Детский
Школа туйколас	пер. Школьный
Электротехника туйколас	пер. Электротехнический

Отир

2010 во пондӧтчан кежӧ Кудымкарын олісӧ 30,7 сюрс морт. 2002' вося гижӧтӧм коста 64 % оліссез коласын вӧліӧ комиӧсь, 33 % рочӧсь. Но карын унажыксӧ чулӧтӧны берсясӧ роч кыв вылын.

Оліссезлӧн лыд, сюрс морт

1959	1970	1979	1989	2002	2010
21,8	26,4	28,4	33,4	31,9	30,7

Пассэз

Кудымкарлӧн дӧрапас

Кудымкарлӧн вужпас да дӧрапас вачкисьӧны ӧтамӧд вылӧ, кыкнан вылас гӧрд ош оськалӧ чочком ыб кузя. Вевдӧрас веськытланись пельӧсын ӧшалӧ лӧз коми перна.

Экономика

Медыджыт берся керӧтан уджаиннэз: ОАО «Молоко» (йӧв продуктаэз) да яйкомбинат, кӧдна мылькйӧн кайӧны мӧдік уджаиннэз коасын лэдзӧмыс дон сьӧрті. Ӧтлаын нянь, сёян да фруктаэз лэдзан комбинаттэзкӧт нія сетӧны Кудымкарын лэдзӧмись 2/3 (сьӧмӧн кӧ лыддьыны).

1990' воэзӧдз медыджыт уджаинӧн вӧлі Электромеханика сьӧрті завод (Перемись приборкеран ӧтувтчӧмлӧн филиал). Уджалісӧ заводас 1,2 сюрс морт – Кудымкар индустрияын уджаліссезісь куимӧт тор. Сэсся заводсӧ пӧдналӧмась, а отирсӧ чапкӧмась ӧтӧрӧ.

Кудымкарӧ электровын локтӧ Перемсянь кык ЛЭП-110 сьӧрті, сэсся сійӧ иньдӧтӧны Коми кытш районнэзӧ.

Транспорт

Коми кытшись асторья автомобиллезісь кумимӧт торыс - кудымкарсалӧн.

Пассажиррезӧс карын кыскалӧ Кудымкарись ПАТП. Автобуссэс ветлӧны сэтшӧм маршруттэз кузя:

№	кысянь	кытчӧ
3	Мирнӧй	Кирзавод
6	Нюрсай	Туйкерку
114	Артамонова	Интернат
115	Рынок	Пешнигорт
116	Филич	Спортивнӧй
121	Олыч	Отев

Велӧтан

Кудымкарын уджалӧны вит шӧрӧт школа, кык лицей, челядь понда кужӧттэз сьӧрті школа.

Школаэз

• Школа №1 (шöрин)
• Школа №2 (шöрин)
• Школа №3 (шöрин)
• Школа №5 (Пиличын)
• Школа №8 (Юринаын)

Тодильнöй шöрöт велöтан керкуэз

• Кудымкарись педагогика сьöртi колледж
• Кудымкарись медицина сьöртi училище
• Кудымкарись вöртехникум
• Кудымкарись му-видз уджалан сьöртi техникум
• Профессия велöтöм сьöртi пондöтчан лицей № 1"
• Профессия велöтöм сьöртi пондöтчан лицей № 2"

Наука да вылын школа

• Кудымкарын Канлöн удмурт университетсянь филиал

1988' воын РАН УрО-лӧн Коми туялан шӧринсянь Кудымкарас осьтісӧ Перем коми отир олан туялӧм сьӧрті юкӧт, кытӧн туялӧны коми Пармаись кыв, литература, фольклор, археология, этнография да история. Ӧні юкӧтсӧ вуджӧтӧмась Перем кипод увтӧ.

Культура

Кудымкарын эмӧсь культура керкуэз кыка, сизим клуб, паськытэкрана Кинотеатр «Комсомолец», культура да шоччисян парк (И. Я. Кривощёков нима); неважын лӧсьӧтӧмась Культура шӧрин, кытӧн эм ыджыт видзӧтан зал, уна быдкодь жыррез кужӧттэз зорӧтісь отир понда.

• Перем коми асладор музей (П. И. Субботин-Пермяк нима)
• Перем коми отир театр (М. Горькӧй нима)
• Перем коми войтырлӧн медшӧрӧт библиотека (М. П. Лихачёв нима)
• Перем коми челядь понда медшӧрӧт библиотека (А. Н. Зубов нима)
• Субботин-Пермяклӧн керку-музей
• Информационöй методическöй центр
• Коми-пермяцкöй этнокультурнöй центр
• Челядь понда центр "Енöшка"

Спорт

Челядь да томмез понда спорт школаын чеччалӧны трамплиннэз йылісь (лямпа трамплиннэза комплекс), котрасьӧны лямпаэз вылын, вермасьӧны самбоӧн да боксӧн, занимайтчӧны кокнит (стадион «Парма») да сьӧкыт атлетикаӧн, зорӧтӧм и мӧдпӧлӧс спортыс. 2008' воын карын осьтісӧ бассейн.

Лысин видзан

Кудымкырын уджалӧны сэтшӧм лысин видзаніннэз:

• кытш понда больнича
• кар понда поликлиника
• пиньвеськӧтан поликлиника
• синвеськӧтан диспансер
• туберкулёзвеськӧтан диспансер
• кучик да венерология сьӧрті диспансер
• физкультура сьӧрті диспансер
• инькаэз понда консультация
• челядь понда консультация
• кытш понда санитария-эпидемиология сьӧрті поз
• кар понда санитария-эпидемиология сьӧрті поз

Медиа

1992' годӧ Кудымкар гӧгӧрись радио- и телеыстаннэз под вылын пондіс уджавны телерадиокомитет. Ӧні быдӧс Перем кипод увтын.

Газетаэз

• Парма
• Парма-Новости
• Городская газета
• Иньвенскӧй край
• Кама кытшын

Радио

• 1458 (СВ, Егва 7 кВт) ВГТРК Радио России, Пермская ГТРК Т7
• 66,41 ВГТРК Радио Юность
• 67,19 ВГТРК Радио России, Пермскӧй ГТРК Т7
• 67,97 ВГТРК Радио Орфей
• 69,23 ВГТРК Радио Маяк
• 100,9 Радио Союз FM, Уралсвязьинформ

Телеканаллэз

• 03 Первӧй канал
• 06 ВГТРК Культура, Euronews, Пермскӧй ГТРК Т7
• 11 ВГТРК Россия, Пермскӧй ГТРК Т7
• 25 5-ӧт канал Санкт-Петербург
• 32 НТВ
• 49 ВГТРК Спорт

Сингажӧтаннэз

Эмӧсь архитектура казьмӧтаннэз – Строгановлӧн кӧркӧся контора да Микола вичку (XVIII век).

Гора нима отир

• В. В. Климов
• И. Я. Кривощёков
• М. П. Лихачёв
• П. И. Субботин-Пермяк
• Ф. Г. Тараканов
• А. И. Теплоухов

Ӧшмӧссэз

• «Парма-Новости» газеталӧн сайт
• Кудымкар да Коми кытш понда портал
• Кудымкар да Коми кытш понда форум
• Кудымкарись веськӧтланлӧн сайт
• Кудымкарись да Коми кытшись сайттэз йылісь
• Кудымкар «Мой город» энциклопедияын