Кывлад

Кывлад — отир кывлӧн тэчас. Кыв ладсӧ туялӧ грамматика. Кывлад видзӧ ас пытшкын шуаннэсӧ (торья кыввесӧ) аркмӧтан формаэз, шуаннэзлісь вежласян формаэз, да шуаннэсӧ йитан структураэз. Одзза юкӧтыс шусьӧ кываркмӧм (cійö велöтö дериватология), мӧдыс – кыввежлалӧм (сійö велöтö морфология), куимӧтыс – кывйитӧм (сійö велöтö синтаксис).

Форма да йитчан туйез сьӧрті ӧткодь шуаннэс кывладын чукӧртчӧны сёрниторрезӧ. Коми кылын быдсӧн дас сёрнитор. Вита асвынаӧсь: эманим, тӧдчанним, лыдним, тӧдчанкыв, кадакыв, мукӧдыс – отсасянаӧсь: нимвежлас, торок, йитӧс, ыкӧстан, серкыв.

Шуаннэз (торья кыввез) йитчӧны кывтэчассэзӧ да сёрникузяэзӧ.