Артипӧв (Кӧчладор район)

Артипӧв Архипово
Му:	Рочму
Статус:	грезд
ладор:	Перем ладор
район:	Кöчладор район
Инлыдпассэс:	59°48′17″ с. ш. 54°26′29″ в. д.
Веськӧтлан кыв	коми, роч
Отир лыд	10 морт (2009)
Час кытш:	UTC+5+5
Телефон нумерӧ содтӧт:	+7 34293
Почта инпас:	619327
Авто нумерӧ содтӧт:	59, 81

Арти́пӧв — Перем ладорись Коми кытшын, Кöчладор районісь Юксьӧв посадмуын коми грезд (деревня).

This article is a stub. You can help by expanding it. || Это заготовка статьи. Вы можете помочь проекту, дополнив её.

Ним йылісь

Грездсö шуöны сідз Аркип нима морт сьöрті. Татісь коми диалектын /к/ шыыс /и/ одзын пöртчö /ть/-ö. А /о/ туйö чуть да и бöра петö /ö/. Этасянь Аркипов туйö аркмöма Артипöв. Роччез содтöмась ассиныс окончаннё, а /к/ туйö нылöн велассьöм шыöтны /х/, сійö рочöн грездсö гижöны Архипово, а шуöны Архипова.

География

Артипӧв грезд сулалö Урью дорын. Юксьöвскöй Турцияын сія медылын грезд. Поздісьöма посадму самöй сёрдын. Медматын оланінöдз, Вершининöдз, колö мунны куим километра рытвылö. Лунвыв-рытвылас 4,4 км ылынаын сулалö Öтöпка, но веськыт туй сэтчöдз абу.

История

Артипöв йылісь первуись гижöны 1873' годö, сэк татöн олöмась 50 айка морт да 54 инька морт.

1886' годö Артипöвын лыддьöны 15 картавыл, отирыс кöдзлöмась сю, вöравлöмась, ямщичайтлöмась.

1909' годö татöн олöмась 133 морт, волі 21 картавыл, 3 мельнича.

Революция вотöдз Аритипöв лыддисьöма Чердын уездісь Юксьöв волосьын. 1924' во бöрын грездсö пыртöмась Вершинин сельсоветö, сыбöрын, öтлаын Вершининыскöт, Юксьöв сельсоветö.

Веськöтлан

Ӧні (2006' во пондöтчöмсянь) Артипӧвыс пырӧ Юксьӧв посадмуӧ.

Отир

2009' во пондöтчикö Артипӧвын гумагаэз сьöрті олöмась 10 морт, кöдна видзöмась нёль горт.

Татісь отир шусьöны арти́пӧвчи.

Медваж фамиллёыс Сидоров.

Ордча грезддэзын оліссез нимкодялöны артипöвчиэсö веж типпезöн.

Лыддьöтан

• Коми-Пермяцкий национальный округ. Москва-Ленинград, 1948.
• Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5