Бажӧв (Кӧчладор район)

Босьтöм Википедия вылiсь
Перейти к навигации Перейти к поиску
Бажӧв
Бажово
Му:  Рочму
Статус:  грезд
ладор:  Перем ладор
район:  Кöчладор район
Важжык ниммез:  Бажья
Инлыдпассэс:  59°50′50″ с. ш. 54°24′42″ в. д. / 59.847222° с. ш. 54.411667° в. д. (G)
Веськӧтлан кыв коми, роч
Отир лыд  59 морт (2009)
Час кытш:  UTC+5
Телефон нумерӧ содтӧт:  +7 34293
Почта инпас:  619327
Авто нумерӧ содтӧт:  59, 81


Бажӧ́вПерем ладорись Коми кытшын, Кöчладор районсис Юксьӧв посадмуын коми грезд (деревня).

Ним йылісь[мöдкодьсьöтны | править код]

Видзöтны кö грездыслöн öння ним вылö, сія ровно кыдз аркмöма Баж нима морт сьöрті. Но одзжык сійö гижöмась мöднёж — Бажья нето Бажаева. Роччез, первуись фиксируйтікö, эшö и сорасьöмöн гижöмась деревнясö Баскаево, сэсся пондöмась гижны Бажева, öні Бажово

Нимыс кö былись вöлі Бажья, то этö — важ коми увтырлöн ним.

География[мöдкодьсьöтны | править код]

Бажöв грезд сулалö мыс вылын, Юксьӧвсянь лунвыв-асыввылö вит километра ылынаын, с. ш. Юксьӧвскӧй Турцияын.

Ордча грезддэз[мöдкодьсьöтны | править код]

Мунан кö Бажöвсяняс рытвылас ыб кузя 1,5 км, локтан Сизьӧв грездö, 2,5 км лунвыв-рытвылас петö Москвина, 3,5 км — Вершинин. Лунвыв-асыввылас километра етш ылынаын сулалöны медбöрья куим керку йöзтöмсялöм Манастыр грездісь. Ойвыв-рытвылас куим километра ылынаын, вöр саяс, поздісьö Митя грезд.

Матісь ландшафттэз[мöдкодьсьöтны | править код]

Бажöвыс пöліня рытвывлань. Рытвылас сія орö круткодь покатöн.

Рельефын тöдчöны:

  • Быльдöг (мыс)
  • Пипуалог
  • Тыгöп

Отир тöдöны ыббез (турунсялöмöсь ни) да видззез:

  • Велтас (ыб)
  • Кушпон (ыб)
  • Кöбыла кутöм
  • Лисьвень (ыб)
  • Льöмпуаму (ыб)
  • Сэтöра видз

Вöррез:

  • Палитчöм яг
  • Платон октас
  • Пугыр

Матісь шоррез:

  • Дрöньöвскöй шор
  • Льöмшор
  • Манастырка

Янсалöм[мöдкодьсьöтны | править код]

Бажöвын керкуэз сулалöны нёль туй пöлöн. Куим туйыс куйлöны параллельнöя, этö Сёйгуйöр (асыввылас), Шöр улича да Пыштыгöп (рытвылас). Öтік туй куйлö нылö перепендикулярöн, сія петö Сёйгуйöр туйсис, поперегалö кык мöдік туйсö да петö рытвылас грезд сайö — Митяланьö. Пыштыгöп туй петö грезд сайö лунвылас да мунö мöдік ордча деревняэзö.

Шöр уличалöн ойвыв торыс шусьö Кайгоро́дка.

Туйез[мöдкодьсьöтны | править код]

Бажöв грездын официальнöя лыддисьöны куим туй [1]:

Коми ним Роч ним
Видз туй ул. Луговая
Отир туй ул. Народная
Сад туй ул. Садовая

История[мöдкодьсьöтны | править код]

Первуись Бажöвсö пасйö карта вылö А. Е. Теплоухов 1848' годö, сорасьöмöн сэтчö гижöм Баскаева. 1869' вося небöгись адззам: Бажьяын пö олöмась 30 мужик да 25 инька, кыртавыллэз кыкьямыса. 1886' годö Бажöв выселокын вöлöма 17 картавыл ни. Отирыс кöдзлöмась сю, заптылöмась вöр, вöравлöмась. 1909' годö грездын вöлі вичкубердся школа да дорсянін, олöмась 167 морт, видзöмась 24 картавыл.

1924' воöдз Бажöвыс вöлöма Чердын уездісь Юксьӧв волосьын, 1924' во бöрын — Кӧсладор (1926' годсянь Кӧчладор) районісь Юксьӧв сельсоветын.

Лöсьöтöмась колхоз, коллективизация коста уна отирсö кулачитöмась.

Бажöв, Манастыр да Чаняыб вöлöмась öтік колхоз. Сээся колхоззэз гырисьмöтасö, быдöс ордча грезддэз лоисö «Калиновка» колхозын. 1970' воланьын «Калиновкасö» öтлаöтöмась Юксьöвись «За коммунизм» колхозкöт да керисö «Юксьӧвскӧй» совхозлö мöд отделеннёöн.

Бажöвын вöлі челядьсад, аптека. Бажöвскöй челядь велöтчынытö ветлöмась Сизьöвö, 1970' воэз бöрын — Москвинаö.

2006' годö, виль роч туйдöт сьöрті сельсоветтэсö вежöмась да, Бажöв лоис Юксьӧв посадмуын.

Веськöтлан[мöдкодьсьöтны | править код]

Ӧні Бажӧвыс пырӧ Кӧчладор районісь Юксьӧв посадмуӧ.

Отир[мöдкодьсьöтны | править код]

Олöны Бажöвын бажӧ́вчи. Öтік айка морт шусьö бажӧ́веч, öтік инька морт бажӧ́вка. Тöдчаннимыс бажӧ́вскöй нето бажӧ́вись.

2009' во пондöтчикö гумагаэз сьöрті Бажöвын оліссес вöлöмась 59 морт, кöдна видзöмась 26 горт. Былись олöны 30 морт гöгöр.

Медваж фамиллёыс Андров. Йöзыс гишшöны сідзжö Исаев, Евдокимов.

Отирыс комиöсь, баитöны комиöн.

Кöзяйство да быт[мöдкодьсьöтны | править код]

Öтласа кöзяйство öні абу ни. Отирыс уджалöны аспондасис — быдтöны карч, вöдитöны пода, ягöдалöны да тшакьялöны.

Бажöвын вузасьö сельполöн лавка.

Грездын позьö видзöтны телевизор, баитны мобильникöт (UTEL).

Бажöвчилöн эм асланыс шойна — Тимало́г, кöда куйлö грездсяняс рытвылö. Но мукöдыс дзебсьöны и ыджыт шойнаö — Яланяс, кытöн дзебöны кулöммезнысö быдöс ордча грезддэз.

Культура[мöдкодьсьöтны | править код]

Казьмöтаннэз да сингажöтаннэз[мöдкодьсьöтны | править код]

Лыддьöтан[мöдкодьсьöтны | править код]

  • Коми-Пермяцкий национальный округ. Москва-Ленинград, 1948.
  • Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5

Ыстісяннэз[мöдкодьсьöтны | править код]

  1. Вот öктіссез сайтісь