Сизьӧв (Кӧчладор район)

Босьтöм Википедия вылiсь
Перейти к навигации Перейти к поиску
Сизьӧв
Сизова
Му:  Рочму
Статус:  грезд
ладор:  Перем ладор
район:  Кöчладор район
Инлыдпассэс:  59°50′20″ с. ш. 54°23′11″ в. д. / 59.838889° с. ш. 54.386389° в. д. (G)
Веськӧтлан кыв коми, роч
Отир лыд  17 морт (2009)
Час кытш:  UTC+5
Телефон нумерӧ содтӧт:  +7 34293
Почта инпас:  619327
Авто нумерӧ содтӧт:  59, 81

Сизьö́вПерем ладорись Коми кытшын, Кöчладор районісь Юксьӧв посадмуын коми грезд (деревня).

Ним йылісь[мöдкодьсьöтны | править код]

Сизьöв шусьö сідз натьтö медодзза олісь сьöрті. Этö коми мортсö шуöмась Сизь.

География[мöдкодьсьöтны | править код]

Файл:Сизьöвын1.JPG
Дорись керку
Файл:Сизьöвын3.JPG
Олан керку
Файл:Сизьöвын4.JPG
Мöд олан керку

Сизьöвыс сулалö мыс вылын, Юксьöвсянь лунвыв-асыввылö нёль километра ылынаын, с.ш. Юксьöвскöй Турцияын.

Ордча грезддэз[мöдкодьсьöтны | править код]

Сизьöвыскöт ордчöн сулалöны: лунвылö 0,8 км ылынаын Москвина, лунвылö кык километра ылынаын Вершинин, асыввылö километра етш ылынаын Бажӧв да лунвыв-асыввылö нёль километра ылынаын Артипӧв.

Сизьöвсяняс асыввылас кык километра ылынаын эшö позьö адззыны медбöрья строеннёэз йöзтöм Манастыр грездісь, ылынжык асыввылас кöркö вöлöма Чаняыб грезд, öні сэтчин ытшкас.

Мунан кö ойвылö, куим километра ылынаын петас гажа пруддэза Митя грезд.

Матісь ландшафттэз[мöдкодьсьöтны | править код]

«Юксьöвскöй Турцияын» оліссез ассьыныс горт му бура тöдöны, матісь ландшафттэз ны понда öтласаöсь.

Кöркö Сизьöв гöгöр вöлöмась ыббез, öні кежö быдöс ни турунсялöма.

Отир уськöтöны тöд вылö ыб ниммез:

  • Антонӧ́вскöй
  • Важыб
  • Грибöвскöй
  • Гуна́сай
  • Гуна́дор
  • Дальнöй
  • Дрöньӧ́вскöй
  • Дуброва
  • Зьве́дин
  • Максимовскöй
  • Мирскöй пальник
  • Мутоволь ? (Юксьöвланяс)
  • Мысулт
  • Ойпöка́т
  • Па́льник
  • Поповскöй
  • Ректöмволь
  • Рöманöвскöй (5 км Вершининланяс)
  • Степанпа́льник
  • Турпан ?
  • Шо́рсай
  • Ыбвыл
  • Яшкавилин

Важ видззез:

  • Машень ?
  • Мошйöр
  • Стротонвидз

Вöлі куим пруд, кытöн сулалöмась мельничаэз:

  • Миколпруд
  • Степпру́д
  • Стротонпруд

Неылын эмöсь шоррез:

  • Гуна́сайшор
  • Зьведи́нка
  • Изъяшор
  • Кушвидзшор
  • Кыдзысйыл
  • Кычаншор

Нюррез:

  • Кабьянюр
  • Кушнюр
  • Пикананюр

Мыссэз да кырассэз:

  • Ба́туймыс, кытöн аспондасис быдмö лук
  • Крутоло́г
  • Посало́г
  • Кöдзытва керöс
  • Краснöй мыс
  • Чучкöй град (мыс)
  • Яла́нь (мыс)

Вöррез

  • Беляк
  • Грибöвскöй
  • Дубро́вка
  • Исако́вскöй, сэтчинка быдмö чöд
  • Кудяк
  • Куколь
  • Кульпо́зъя
  • Лом
  • Митя Степанӧ́вскöй
  • Рассай
  • Толька́н
  • Чечиньöвскöй
  • Ыбулт

Янсалöм[мöдкодьсьöтны | править код]

Отирыс торйöтöны Сизьöв грездас У́рдöл (лунвылас) да Ве́рдöл (ойвылас).

Туйез[мöдкодьсьöтны | править код]

Сизьöвын нёль туй. Кыка мунöны параллель пöлöн (Урдöл туй да Вердöл туй), кыка меридиан пöлöн (шуам нійö Рытвыв туй да Асыввыв туй). Рытвыв туйыс петö грезд сайö кыкнан помнас: лунвылас сія мунö Москвиналаньö, ойвылас — Митяланьö. Урдöл туйыс асыввылас кежö Бажöвланьö. Ойвылас да Асыввылас грезд дорöттяс керöмöсь кытшöвтан туйез.

История[мöдкодьсьöтны | править код]

Роччез первуись гижöны Сизьöв (Сизева) йылісь 1834' годö. ХІХ век шöрын Сизьöвись отир лöсьöтöмась Москвина грезд. 1869' годö Сизьöвын олöмась 94 морт (49 айка, 45 инька), вöлі 13 картавыл. 1880' воэзö горттэс Сизьöвын лоöмась 16-я ни, отирыс кöдзлöмась сю, видзлöмась пода, заптывлöмась вöр. Ордчöн вöлöма изгарьян. Сизьöвын сулалöма часовня да уджалöма дорсянін.

Отирыс деревня вылас чожа содöма, 1909' во кежö грездын лоис 32 картавыл, олöмась 215 морт. Сизьöвыс вöлöма Чердын уездісь Юксьӧв волосьын, татöн вöлі центр Сизьöв общество понда, кытчö пырлöмась сідзжö Артипöв, Вершинин, Манастыр, Москвина, Чаняыб.

Революция бöрын, 1924' во бöрсянь Сизьöвыс лоис Кӧсладор (1926' годсянь Кӧчладор) районісь Вершинин сельсоветын. 1926' вося гижöтöм коста грездын олöмась 213 морт (96 айка, 117 инька), вöлі 37 кöзяйство.

Сэсся лöсьöтöмась колхоз, нимыс унаись вежсьылöма, отир тöдöны да, кöркö вöлі Жданов нима. Коллективизация коста уна отирсö кулачитöмась.

Сизьöв да Москвина вöлöмась öтік колхоз. Хрущёв дырни колхоззэз гырисьмöтасö, быдöс ордча грезддэз лоисö «Калиновка» колхозын.

Сэк жö Вершининісь сельсоветсö вежöмась, Сизьöвыс лоис Юксьöв сельсоветын.

1970' воланьын «Калиновкасö» öтлаöтöмась Юксьöвись «За коммунизм» колхозкöт да керисö «Юксьӧвскӧй» совхозлö мöд отделеннёöн.

Сизьöвын вöлі клуб, магазин, челядь сад, пондöтчан школа. Сизьöвскöй школаö вовлöмась челядь Манастырись, Чаняыбись да Бажöвись (москвинскöйес ветлöмась вершининскöй школаö).

Эшö 1970' годö Сизьöвын олöмась 147 морт. Но сэсся сельсоветын шуöмась зорöтны Москвина (сизьöвскöй выселок), керны сэтчö совхозыс мöд отделеннё понда шöрин. Москвинаö осьтöмась школа, сувтöтöмась сэтчö бур виль керкуэз. Отирыс мунöмась виль "центрö", матöжык ыджыт трактланяс. Сизьöвас оліссес кольччöмась öддьöн етша.

2006' годö, виль роч туйдöт сьöрті сельсоветтэсö вежöмась да, Сизьöв лоис Юксьӧв посадмуын.

Веськöтлан[мöдкодьсьöтны | править код]

Ӧні, Сизьӧвыс пырӧ Кӧчладор районісь Юксьӧв посадмуӧ.

Отир[мöдкодьсьöтны | править код]

Олöны Сизьöвын сизьӧ́вчи. Айка мортсö шуöны сизьӧ́веч, инька мортöс сизьӧ́вка. Тöдчаннимыс сизьӧ́вись нето сизьӧ́вскöй.

Медваж фамиллёыс Сизов. Отирыс гишшöны сідзжö Жуков, Ветлугин, Андреев, Семерик.

2011' гожумнас Сизьöвын олöмась куим пöрись гозъя да нёль öтка мужик.

Отирыс комиöсь, баитöны комиöн.

Кöзяйство да быт[мöдкодьсьöтны | править код]

Отирыс олöны аспондасис. Быдтöны карч, вöдитöны пода (мöссэз, вöввез), видзöны мошшез. Ягöдалöны да тшакьялöны.

Гожум пора сизьöвчи ордö вовлöны ас увтыр гожйыны деревня вылас.

Босьтасьны татіссез ветлöны Бажöвö нето Москвинаö.

Кулöм отирсö сизьöвчи дзебöны Яланяс.

Культура[мöдкодьсьöтны | править код]

Важ культура видзан керкуэзісь кольччöма токö кöркöся лавка, кытöн одзжык вöлі юрбитанін, важ часовня дорын.

Лыддьöтан[мöдкодьсьöтны | править код]

  • Коми-Пермяцкий национальный округ. Москва-Ленинград, 1948.
  • Кочевский район: прошлое и настоящее / сост. Н. М. Коваль, С. Н. Пыстогова. Пермь, 2006. 464 с. ISBN 5-88009-020-5

Ыстісяннэз[мöдкодьсьöтны | править код]