Кулӧмдін район

Босьтöм Википедияись
Кулӧмдін район
Усть-Куломский район
Вужпас
Канму Роч Федерация
Ыджытжык регион Коми Республика
Янсалӧм 22 посадму
Веськӧтлан шӧрин Кулӧмдін
Аркман кад 1929' во
Юралісь Каплин Сергей Петрович
Веськöтлан кыввез коми, роч
Оліссез (2010 во) 29 856
Оліссезлӧн тшӧкыта 1,17 морт/км²
Чужанвуж сьӧрті тэчас комиэз 79,1%,
роччез 15,5%
Мувывтор 26 200 км²
Кулӧмдін район мусерпас
Кад кытш +3 (гожумнас +4)
Урал кад -2
Телефон код +7 82137
Автомобиль код 11, 111
Веськöтланлöн сайт


Кулӧмдін район (рочӧнжык Усть-Куломскӧй район) — веськӧтлан юкӧт Коми Республикаын; республикалӧн 15 районісь ӧтік.

Веськӧтлан шӧриныс – Кулӧмдін посадын. Кулӧмдінсянь Сыктывкарӧдз 189 км ылына.

Районыс аркмӧтӧм 1929' июль 15' лунӧ.

География[вильмӧтны | Вильмӧтны код]

Кулӧмдін районыс 26,2 сюрс км² ыжда. Куйлӧ Коми Республика лунвылын. Межаасьӧ Уква кар кытшкӧт да Сӧснагорт районкӧт ойвылын, Мылдін районкӧт асыввылын, Перем ладоркӧт и Коми кытшыскӧт лунвылын да Кӧрткерӧс районкӧт рытвылын.

Мувевдӧрыс – мыссэза волькытін, кӧдӧ торйӧтӧны юэз.

Медыджыт ю Кулӧмдін районас – Эжва, кӧда дорын сулалӧ ачыс Кулӧмдіныс да районісь мӧдік гырисьжык посаддэз. Район кузя котӧртӧны и Эжвалӧн вожжес: Войвыв Кӧтйӧм, Лунвыв Мылва, Нем, Вӧль да мӧдік юэз.

Климат районас шӧркодя континентвывся. Январ коста шӧрӧт шонтӧгыс –15,5 °С, июль коста +16 °С.

Колана шедтассэз: строитчан материаллэз (сы лыдын мраморвевья доломиттэз да строматолитвевья извесняккез), торф, мусир, унаазота геливевья газзэз, мурӧма шом, алмаззэз, зарни. Тиман да Пузла гӧгӧрын куйлӧны бур бокситтэз, кӧднаын уна сёйму да етша кӧрт.

История[вильмӧтны | Вильмӧтны код]

Медодзза морт Кулӧмдін ладорӧ локтӧма эшӧ мезолит кадӧ, 8–10 сюрс годӧн миян луннэзся одзжык. Районісь адззалӧмась археология сьӧрті уна казьмӧтан из эпохасянь шӧрӧт веккезӧдз. Ны коласын оланіннэз, шойнаэз, юрбытаніннэз.

Татісь грезддэз (деревняэз) йылісь медодз казьтывсьӧ Яренск уезд гижӧтан небӧгын (ХVІІ век). Сія жӧ векся мӧд джынас, отирыс татӧн унажык лоӧма да, аркмис торья волось, кӧдалӧн шӧрин лоис Кулӧмдін погостын.

XVIII векӧ татісь муэз вылӧ пондіс буржыка видзӧны роч кан (государство). Екатерина II, медбы лӧсьӧтны ва туй Чочком да Каспи саридззез коласын, шуис ӧтлаӧтны Волгасӧ Вынва бассейнкӧт. Эта понда 1776-сянь 1822 годӧдз татӧн гарйисӧ канал (Ойвыв Кать канал). Каналыс уджаліс сэсся 1822-сянь 1848 воӧдз, но и сы бӧрын, кӧр сійӧ кан нимянь пӧдналісӧ, крессяна да купеччез кыскывлісӧ сы кузя товаррез. Ӧні эшӧ кӧркӧся канал доррезын тыдалӧны киссьӧм шлюззэз.

XIX пом кежӧ Кулӧмдін буракодь ни быдмӧма да лоӧм веськӧтлӧмын, кӧзяйствоын да культураын тыдалана шӧрин туйӧ. Сы ладорын осьтӧмась велӧтаніннэз: Кулӧмдінӧ – училищё (1843), Немдінӧ – школа (1860), Помӧсдінӧ – бӧра училищё (1861). 1890 воын Кулӧмдінас лӧсьӧтӧмась медодзза больнича, а 1899 воын и медодзза библиотека. XIX век мӧд джынын архитекторрез А.Иваницкӧй да В.Шильдкнехт проекттэз сьӧрті Ульянаас вильмӧтӧмась Стречалун нима Степан монастырлісь керкуэз. Важ висьттэз сьӧрті монастырсӧ лӧсьӧтӧма эшӧ вежа Степан XIV векын. Этія монастырыс дыр кад сьӧрна вӧлӧма вичкуся шӧринӧн Коми муын.

Кан нимсянь Кулӧмдін район вӧлі осьтӧма 1929 годӧ июль 15 лунӧ. Сэк ВЦИК и лэдзӧма постановленнё виль веськӧтлан юкӧт аркмӧтӧм йылісь.

Отир[вильмӧтны | Вильмӧтны код]

Оліссез Кулӧмдін районас 30,7 сюрс морт. Олӧны унажыкыс комиэз (70%) да роччез (20%).

Веськӧтлӧм[вильмӧтны | Вильмӧтны код]

Район вылын юралісьыс Каплин Сергей Петрович (2007 мартсянь). Веськӧтланыс: 168060, Кулӧмдін район, Кулӧмдін посад, Сӧвет туй, 37. Факсыс (82137) 946-91. Районісь сӧветын медыджыт – Кондрашкин Александр Николаевич.

Янсалӧм[вильмӧтны | Вильмӧтны код]

Кулӧмдін район янсӧтчӧ 22 посадму вылӧ.

Посадму Кыным

оланін

Веськӧтлан Факс Юралісь
Аныб посадму 2 160064, Аныб посад, Шӧр туй, 172 (82137) 922-21 Панюкова Валентина Ивановна
Вӧльдін посадму 3 168093, Вӧльдін посад, Шӧр туй, 34а (82137) 977-36 Андриевская Ирина Александровна
Дереваннӧй посадму 1 168062, Дереваннӧй посад, Шӧр туй, 196а (82137) 927-46 Гуляева Галина Васильевна
Дзоль посадму 2 168085, Дзоль посад, Шӧр туй, 81 (82137) 949-61 Тарабукина Валентина Пантелеймоновна
Діасёръя посадму 2 168091, Діасёръя посёлок, Д. Каликова туй, 28 (82137) 983-17 Попова Анастасия Алексеевна
Дон посадму 3 168077, Дон посад, Шӧр туй, 73 (82137) 992-42 Тарабукин Василий Николаевич
Зимстан посадму 4 168082, Зимстан посёлок, Интернационал туй, 1 (82137) 920-80 Ракина Наталья Михайловна
Кебанъёль посадму 1 168065, Кебанъёль посёлок, Ленин туй, 6 (82137) 964-22 Зайцева Валентина Вячеславовна
Керчомъя посадму 1 168079, Керчомъя посад, Шӧр туй, 230 (82137) 963-44 Траилина Любовь Егоровна
Крутоборка посадму 2 168088, Крутоборка посёлок, Шӧр туй, 60 (82137) ?
Куж посадму 4 168066, Куж посад, Шӧр туй, 138 (82137) 995-41 Липин Игорь Павлович
Кулӧмдін посадму 2 168060, Кулӧмдін посад, Гагарин туй, 1 (82137) 942-26 Пунегова Ольга Владимировна
Мыс посадму 1 168072, Мыс посад, Шӧр туй, 90 (82137) 915-18 Паршуков Валентин Александрович
Немдін посадму 1 168070, Немдін посад, Тимушев туй, 73 (82137) 913-22 Пименов Анатолий Васильевич
Носим посадму 2 168061, Носим посад, Сӧвет туй, 26 (82137) 991-17 Гилев Пётр Магометович
Парч посадму 2 168071, Парч посад, Сиктса туй, 24 (82137) 914-21 Лодыгин Рудольф Иванович
Пожӧг посадму 9 168097, Пожӧг посад, Шӧр туй, 9 (82137) 976-67 Сенькин Василий Иванович
Помӧсдін посадму 7 168090, Помӧсдін посад, Сордйыв туй, 5 (82137) 974-81 Ужицкий Алексей Иванович
Руч посадму 2 168063, Руч посад, Шӧр туй, 213 (82137) 921-41 Вологжанин Михаил Григорьевич
Тымсер посадму 2 168075, Тымсер посёлок, Сӧвет туй, 9 (82137) 955-84 Паршукова Галина Николаевна
Улыс Воч посадму 4 168083, Улыс Воч посад, Шӧр туй, 25а (82137) 925-31 Ширяева Валентина Александровна
Югыдъяг посадму 6 168074, Югыдъяг посёлок, Школадор туй, 4 (82137) 952-89 Ау Владимир Ионардович

Оланіннэз[вильмӧтны | Вильмӧтны код]

Кулӧмдін районын 63 оланін: 16 посад, 22 посёлок да 25 грезд.

Коми ним Роч ним Статус Мымда

олісь

(2007)[1]

Индекс[2] Посадму
Аныб Аныб посад 262 168064 Аныб посадму
Бадьёль Бадьёльск грезд 290 168091 Помӧсдін посадму
Белоборск Белоборск посёлок 330 168073 Югыдъяг посадму
Вад Вад посёлок 38 168066 Югыдъяг посадму
Важ Эжва Важ-Эжва посёлок 4 168066 Югыдъяг посадму
Великополье Великополье грезд 202 168096 Пожӧг посадму
Вомынбӧж Вомынбож грезд 172 168097 Пожӧг посадму
Вӧль Воль грезд 14 168086 Улыс Воч посадму
Вӧльдін Вольдино посад 270 168093 Вӧльдін посадму
Вылыс Воч Верхний Воч грезд 237 168083 Улыс Воч посадму
Выльгорт Выльгорт грезд 557 168090 Помӧсдін посадму
Габов Габово грезд 31 168082 Дзоль посадму
Дёма Дёма грезд 6 168083 Улыс Воч посадму
Дереваннӧй Деревянск посад 1024 168062 Дереваннӧй посадму
Джеджим Жежим грезд 156 168078 Дон посадму
Діасёръя Диасёръя посёлок 566 168091 Діасёръя посадму
Дзоль Дзёль посад 235 168082 Дзоль посадму
Дон Дон посад 542 168077 Дон посадму
Зимстан Зимстан посёлок 1537 168082 Зимстан посадму
Ичӧт Куж Малая Кужба грезд 231 168066 Куж посадму
Канава Канава грезд 47 168086 Югыдъяг посадму
Кебанъёль Кебанъёль посёлок 2056 168065 Кебанъёль посадму
Кекур Кекур грезд 463 168097 Пожӧг посадму
Керчомъя Керчомъя посад 1437 168079 Керчомъя посадму
Климов Климовск посёлок 14 168082 Зимстан посадму
Крутоборка Крутоборка посёлок 5 168233 Крутоборка посадму
Куж Кужба посад 373 168066 Куж посадму
Кулӧмдін Усть-Кулом посад 5085 168060 Кулӧмдін посадму
Кырныша Кырныша грезд 147 168090 Помӧсдін посадму
Лебежнӧй Лебяжск грезд 142 168071 Парч посадму
Лопъювад Лопъювад посёлок 461 168076 Тымсер посадму
Лӧгинъяг Логинъяг посёлок 352 168082 Зимстан посадму
Лунпока Лунпока грезд 0 168097 Руч посадму
Мальӧ Мале грезд 62 168097 Пожӧг посадму
Мӧдлапӧв Модлапов грезд 206 168090 Помӧсдін посадму
Мыс Мыёлдино посад 573 168072 Мыс посадму
Немдін Усть-Нем посад 851 168070 Немдін посадму
Носим Носим посад 259 168060 Носим посадму
Нюмыд Нюмыд посёлок 1 168232 Крутоборка посадму
Озъяг Озъяг посёлок 598 168068 Куж посадму
Ӧлек Малый Аныб грезд 1 168064 Аныб посадму
Парма Парма грезд 11 168060 Кулӧмдін посадму
Парч Парч посад 142 168071 Парч посадму
Паспом Паспом посёлок 439 168060 Носим посадму
Пожӧг Пожег посад 499 168097 Пожӧг посадму
Пожӧгдін Пожегдин грезд 394 168096 Пожӧг посадму
Помӧсдін Помоздино посад 1317 168090 Помӧсдін посадму
Пузла Пузла посёлок 325 168092 Вӧльдін посадму
Руч Руч посад 898 168063 Руч посадму
Скӧрӧдум Скородум грезд 501 168095 Помӧсдін посадму
Смолянка Смолянка посёлок 820 168073 Югыдъяг посадму
Сордйыв Сордйыв грезд 142 168096 Помӧсдін посадму
Сьӧдтыдін Седтыдин грезд 1 168095 Пожӧг посадму
Тымсер Тимшер посёлок 1204 168075 Тымсер посадму
Улыс Воч Нижний Воч посад 513 168083 Улыс Воч посадму
Улыс Ярашъю Нижний Ярашъю посёлок 223 168096 Пожӧг посадму
Ульяна Ульяново посёлок 179 168067 Куж посадму
Фролов Фроловск грезд 42 168082 Зимстан посадму
Шӧръяг Шэрьяг посёлок 241 168078 Дон посадму
Югыдтыдор Югыдтыдор грезд 33 168091 Діасёръя посадму
Югыдъяг Югыдъяг посёлок 1918 168074 Югыдъяг посадму
Ягкӧдж Ягкедж посёлок 509 168094 Вӧльдін посадму
Ярашъю Ярашъю посёлок 478 168096 Пожӧг посадму

Экономика[вильмӧтны | Вильмӧтны код]

Кулӧмдін районын ӧні осьтӧмӧсь 300-ся унажык уджаин. Нысся эмӧсь ас вылӧ уджаліссез 375-а. 25% отирыс ноксьӧны промышленносьын, 6,6% му-видз уджалӧмын да 33% вузасьӧмын.

Му-видз уджалӧм районас видзӧны нёль СПК («Пожӧг», «Помӧсдін», «Руч2», «Пожӧг-3К»), крессяна-фермеррезлӧн 28 кӧзяйство, кык ООО («Кулӧмдінса МТС», «Кулӧмдінса ПМК»). Этася отирыс видзӧны 11256 ас кӧзяйство. Во сьӧрна шӧркодяс му-видз уджаиннэз лэдзӧны продукция 80 млн. шайт дон.

Му-видз угоддёэз быдсӧн районас 15,9 сюрс га, куимӧт тор ныись – гӧран муэз. Пода видзӧмын продуктаэз лэдзӧмыс лоӧ, лыддьыны кӧ ловья сьӧкта сьӧрті, 115 т., 1,3 сюрс т. йӧв, 1,5 т. чери.

Промышленносьын шӧркодяс во сьӧрна лэдзӧны товарресӧ 1 млрд. шайт дона.

Ыджыт пай район кӧзяйствоӧ пуктӧ вӧрлэдзӧм. Быд во заптӧны 1 млн. кубометрася унажык пу, лэдзӧны 60 сюрс кубометра пиломатериаллэз. Ӧні районас мӧдӧны лӧсьӧтны пу керӧтан завод (ООО «ЦентроВудКом»), кӧдалӧн этшыс лоас 750 сюрс кубометра мымда дась лэдзӧмыс.

Автотуйезлӧн ӧтласа кузя 900 км, куимӧт тор ныись чорыт вевттьӧсаӧсь.

Телефон пыр йитчыны ӧні позьӧ кокнита. Эм сівывся оптик визь Сыктывкар–Кулӧмдін, 10 оланінын лӧсьӧтӧмӧсь лыдпасвывся станцияэз, быд оланінӧ сувтӧтӧмӧсь ӧтласа таксофоннэз. Мобильниккез пыр йитчӧм видзӧны операторрез: «МТС», «Мегафон», «Теле2», «Билайн».

Культура[вильмӧтны | Вильмӧтны код]

Кулӧмдін районын петӧ коми кыв вылын газета «Парма гор». Эм литература сьӧрті клуб «Эжва». Кулӧмдінісь библиотекаын быд во чулӧтӧны Тима Веньлӧ сиӧм лыддьӧтӧммез.

Кулӧмдін район ошшасьӧ аслас коми гижиссезӧн:

Районын чулӧтӧны быдвося гажжез:

  • январ 13 лун – коми сьыланкыв сьӧрті республикаись фестиваль «Василей»
  • февраль – киподтуя йӧзлӧн конкурс
  • март – фестиваль «Том дарованнёэз»
  • май – Носим посадын «Стречалун», коми небӧглӧн вежалун
  • июнь – Керчомья посадын «Пыжа гаж»
  • июль 6 лун – Помӧсдін посадын «Гажа гулянка»
  • июль 7 лун – Дереваннӧй посадын «Иван лун»
  • август 2 лун – Руч посадын «Илья лун»

Ыстісяннэз[вильмӧтны | Вильмӧтны код]

  1. Коми Республикаись статкомитетлӧн сайтісь
  2. Вот ӧктіссезлӧн сайтісь

Ӧшмӧссэз[вильмӧтны | Вильмӧтны код]

  • Кулӧмдін районісь веськӧтланлӧн сайт
  • Афанасьев А. П. Топонимия Республики Коми. Сыктывкар: Коми кн. изд-во, 1996 ISBN 5-7555-0554-3
  • Жеребцов И. Л. Где ты живёшь: Населённые пункты Республики Коми. — Сыктывкар: 2000.
  • Историко-культурный атлас Республики Коми. — М: Дрофа, 1997. ISBN 5-287-00027-8
  • Республика Коми. Энциклопедия в 3-х томах. — Сыктывкар: Коми книжное издательство, 1997, 1998, 1999. — Т. I, II, III. ISBN 5-7555-0617-5
Коми Республика веськöтлöм могись янсалöм Coat of arms of the Komi Republic Flag of the Komi Republic
Канкар: Сыктывкар

Каркытшшез: Вöркута • Инта • Сыктывкар • Уква • Ускар

Районнэз: Вуктыл • Емва • Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сöснагорт • Сыктыв • Сыктывдiн • Удора • Чилимдiн