Кудымкар район

Кудымкар район
'Кудымкарский район'

Вужпас	Дӧрапас
Канму	Роч Федерация
Ыджытжык регион	Перем ладорись Коми кытш
Янсалӧм	6 посадму
Веськӧтлан шӧрин	Кудымкар
Аркман кад	1924' во
Юралісь	Климов Валерий Анатольевич
Веськöтлан кыввез	коми, роч
Оліссез (2010' во)	27,4
Мувывтор	4741 км²
Кад кытш	UTS+5 (гожумнас UTS+6)
Телефон код	+7 34-260
Пошта индекссэз	619000, 619542-619567
Автомобиль код	59
Веськöтланлöн сайт

Куды́мкар райо́н (рочӧнжык Куды́мкарскӧй райо́н) — веськӧтлан юкӧт Перем ладорись Коми кытшын. Куйлӧ Иньва ю катытын, да Иньваӧ усян Кува да Велва юэз пӧлӧн.

Лӧсьӧтӧм февраль 27' лунӧ 1924' годӧ. Медодз вӧлі Кама катыт кытшын, а февраль 26' лунӧ 1925' воын, Коми кытш аркмикӧ, лоис сы торӧн.

Ыждаыс 4733 км². Ойвывсянь лунвылӧ районыс нюжалӧ 105 км ылына, рытвывсянь асыввылӧ волокыс 110 км ылына. Межаасьӧ ойвылын Кӧсладор да Юрла районнэзкӧт, рытвылын – Зюзьдін (Афанасьева) районкӧт, лунвылын – Сива да Карагай районнэзкӧт, асыввылын – Юсьва да Совдор районнэзкӧт.

Районын лыддисьӧ 279 олан ин, ны коласын 11 посад, 9 посёлок да 259 грезд (деревня). Олӧны 27,9 сюрс морт. Кудымкар районын медуна коми отир. Йӧзыслӧн топыта – 7,1 морт/км²-ын.

Веськӧтлан шӧрин – Кудымкар.

Районын юралісьыс – Климов Валерий Анатольевич (2010 восянь).

География

Му вевдӧр сьӧрті – волькыткодь мысаин, рытвылын лэбӧны лажмытик Кымайыв мыссэз, а ой-рытвылын – Кондӧс мыссэз. Климатыс небыта континентвывся, кӧдзыттэз оз овлӧ 102 лунӧн. Шӧрӧт шонтӧгыс январ коста -15,7°С, юль коста +17,6°С. Медвылӧ шонтӧгыс кайлӧма кӧркӧ +37°С-ӧдз, медкӧдзыт вӧлӧма -48°С. Енӧжва усьӧ год сьӧрна 518 мм мымда.

Район му кузя котӧртӧны Иньва да сылӧн вожжез. Ны коласын медкузьӧсь – Кува, Юсьва да Велва.

Мусиныс унажыксӧ ежаа-шаргуна да сёйвевья, мукӧдлаын ежаа-шома, юэз пӧлӧн – видзвыв ежаа. Быдӧс муэз буракодь шогмӧтанаӧсь, но нійӧ колӧ пыр вынсьӧтны.

Быдмассэз нія жӧ, кыдз и быдлаӧт лунвыв тайга ойладорын. Дӧс муись вӧрсялӧма 67%, медуна быдмӧ кӧз (48%) да кыдз (39%). Панталан татісь и пожум, пипу, ньывпу, нинпу; ыджыт пуэз увтын быдмӧны поснит кора тэлляэз. Унакодь видззез, мукӧдлаын нюррез.

Вӧррезын олӧны вӧрмӧс, ош, кӧин, руч, вӧркань, тулан, ур. Кай-пӧткаись пантасьлӧны дозмӧр, сьӧла, тар, кыр, ыбшар, пытьканкай, герскан. Юэзын уялӧны пескан, тыпыв, сирчери, ёкыш, ёді.

Вӧр-ваись аскоддя ладорӧн лыддиссьӧ Ӧстап нюр; куимлаын дорйӧны и быдмасэз (шуам, Иньва йылын Буждӧм кӧзъяинас). Ыджыт интерес видзӧны Крӧт урочищё, Кува дорись пожума яг да пруд, а сідзжӧ Ошыбись дорйӧмин.

Лунвывсянь ойвылӧ район му кузя мунӧ асфальта автотуй, кӧда кыссьӧ сэсся Гайналаньӧ. Район пасьта этія ыджыт туйсяняс ӧтмӧдӧрӧ вожасьӧны учӧтжык туйез: асфальтаöсь, гравийись да муись.

Янсалӧм

Кудымкар районын 6 посадму:

Ним	Му ыжда (км2)	Кыным морт (2009.01.01)	Кыным олан ин (2009.01.01)
Белоёв посадму	990	6436	57
Иньвайыв посадму	1108	6001	63
Йӧг посадму	308	4126	40
Ленинск посадму	876	3555	50
Ошыб посадму	163,8	4170	35
Степановчи посадму	331	5400	34

Кӧзяйство

Кудымкар районын важынсянь зорамӧ быдкодь чужӧма экономика.

Му-видз уджалӧм аркмӧтӧ район кӧзяйстволӧ под. Иньдӧтӧм ас товаррезлӧн да керӧм уджжез и кысйӧттэзлӧн (услугаэзлӧн) ыждаыс лоӧ 158,503 млн. шайт нето 53 % ӧтласа ыжда сьӧрті.

Му-видз районас уджалӧны 9 уджкеранінын, крессяна-фермеррезлӧн 24 кӧзяйствоын да 9,9 сюрс мымда асторья гортгӧгӧрся кӧзяйствоын.

Му-видз уджалӧм сьӧрті медыджыт кооперативвез:

СПК-лӧн ним	Почта понда инним	Юралісь
«Киров нима» колхоз	619657, Коми кытш, д. Мижуй, Медшӧрӧт туй, 14.	Трушников Михаил Николаевич
«Кувинса»	619558, Коми кытш, Кува п., Ленин туй, 26.	Надымов Алексей Николаевич
«Кудымкарса»	619541, Коми кытш, д. Кекур, Вӧр туй, 1.	Радостев Родион Васильевич
«Правда» колхоз	619561, Коми кытш, д. Корчёвня, Медшӧрӧт туй, 34.	Дерябин Владимир Федорович
«Рочму»	619001, Коми кытш, Кудымкар, Братчиков туй, 17.	Корюкин Николай Иванович
«Урал» колхоз	619560, Коми кытш, Йӧг п., Лихачёв туй, 28	Копытов Сергей Гаврилович

2008 годӧ му-видз уджалӧм сьӧрті уджкераніннэзын кӧдзан ыб вӧлі 19237 га, м. ш. 2007 воын мымда. Быдсӧн район пасьта изӧма 14733 т сю, шогмӧтан етшыс - 16,4 ц/га. Медуна сю изӧма СПК «Рочму» - 7672 т нето 52% район пасьта быдӧс изӧмсис, шогмӧтан етшыс сылӧн 24,8 ц/га.

01.01.2009 кежӧ сюра гырись подаыс вӧлӧма 5636 юр, м.ш. 256 юрӧн етшажык 2007' воынся. 2008' год сьӧрна районас босьтӧма йӧв 7926 т, этӧ лоӧ 2007' во сьӧрті 94%. Быд мӧссянь высьтӧма шӧркодя район пасьта 3560 кг етш. Яйсӧ вузалӧмась район пасьта 660 т.

Берся керӧтан комплекс районас тэчӧма сёян керӧмись да вӧр заптӧмись. Берся керӧтӧмын лэдзан индексыс 2008 годӧ лоис 114,5 % (2007' г. - 120,8%).

Вӧр лэдзан комплексын уджалӧны кӧзяйство видзан 106 субъект. Иньдӧтӧм ас товарыс сьӧрті нылӧн пай лоӧ 18% ӧтласа ыждаись. Заптӧма 170,4 тыс. м³ вӧр, этія лыдсис 44,0 тыс. м³ заптісӧ кӧртмаліссез. Медколан продукция вузалӧма сымдаӧн: гӧгрӧса вӧр – 85,98 тыс. м³, пилитӧм материаллэз – 7,465 тыс. м³, олан керкуэз – 1190 кв. м.

Ыджыт пай босьтӧ и ОАО «Кудымкарись яйкомбинат» - 15% ӧтласа ыждаись.

Районын эм 322 уджбергӧтісь и 86 учӧт уджкеранін. Учӧт уджкераніннэс 1 сюрс олісьыс вылӧ лоӧны 16-а. Быдсӧн сія секторын уджалӧ 1,3 сюрс морт.

2008 годӧ отир олан понда керкуэсӧ вептӧмась 2436,8 кв. метра ыжда.

Эм 220 мымда вузасянін. Товар бергӧтӧмын медыджыт пай шедӧ вузасян кооперациялӧ – 51%.

Туйез. Быдӧнлӧ ветлана авто туйезлӧн кузяыс район веськӧтлан увтын 837,8 км. Сэсся эшӧ олан пункттэз пытшкӧт мунан туйез лоӧны быдсӧн кузянас 1087 км. Район му вылӧт мунӧ федерациялӧн магистраль Нытва - Кудымкар, кӧда лоас орӧтокӧн Ойвывся транспорт кориодорлӧн (ойвывся маршрут Перем-Сыктывкар-Котлас-Питер).

Кӧрттуйез абуӧсь. Медматын кӧрттуй поз, Менделеёв, куйлӧ район шӧринсянь 100 км ылынаын.

Районас эм йитчаныслӧн (связьлӧн) быдӧс ӧння виддэз.

Сьӧм бергӧтан инфраструктура районын буркодь: татӧн эмӧсь филиаллэз да баитчаніннэз кык федеральнӧй да регионісь банккезлӧн.

Районын уджалӧны кык страхуйтан компания.

Годвывся бюджет Кудымкар районыслӧн 700 млн. шайтся унажык.

Шӧрӧт удждон районас петӧ 6583,1 шайт.

Культура дмд.

Районын эм 46 бурдӧтчанін: 4 больнича, 36 ФАП, 1 поликлиника, посад отирӧс веськӧтан 5 амбулатория. Быдсӧн бурдӧтан керкуэзын 2008 годӧ уджалісӧ 32 веськӧтісь, шӧрӧт медперсонал – 255 морт.

Районын эм отирӧс велӧтан 27 керку (14 шӧрӧт школа, кыкьямыс нетыр шӧрӧт школа, вит пондӧтчан школа), эм челядь понда кык тодиль велӧтчанін (Челядь да томмез понда спорт школа, Челядь кужӧммез зорӧтан шӧрин), 35 челядь сад. Быдсӧн ныын велӧтчӧны нето быдтіссьӧны 3881 нывка и зонка (2931-а – школаэзын, 950-а – челядь саддэзын), уджалӧны 500 педагог.

Культурасӧ районын видзӧны: клуб кодь 40 керку, автоклуб, челядь понда кужӧттэз (искусствоэз) сьӧрті школа, 33 библиотека.

Районісь отир понда петӧ асланыс газета - «Иньвенскӧй край».

Олан иннэз

Омӧн район пасьта ӧні сулалӧны 275 олан ин. Статус сьӧрті ны коласын эмӧсь 11 посад, 9 посёлок да 255 грезд (деревня). Медыджыт посаддэз – Белоёв, Кува да Иньвайыв, медыджыт посёлоккез – Велва База, Берёзовка да Верх Буждӧм, медыджыт грезддэз – Степановчи, Таров да Кекур).

• Посаддэз:

Коми ним	Роч ним	Морт (2009.01.01)	Горт (2009.01.01)	Посадму
Белоёв	Белоева	1511	519	Белоёв
Вертюсва	Верх-Юсьва	749	266	Ленинск
Иньвайыв	Верх-Иньва	1269	411	Иньвайыв
Йӧг	Ёгва	732	245	Йӧг
Кува	Кува	1332	380	Белоёв
Ленинск	Ленинск	560	220	Ленинск
Отёв	Отево	116	48	Белоёв
Ошыб	Ошиб	664	194	Ошыб
Пешнигорт	Пешнигорт	898	301	Степановчи
Полва	Полва	440	134	Ленинск
Самков	Самково	404	144	Иньвайыв

• Посёлоккез:

Коми ним	Роч ним	Морт (2009.01.01)	Горт (2009.01.01)	Посадму
Берёзовка	Березовка	579	198	Иньвайыв
Велва База	Велва-База	586	211	Ошыб
Вылісь Буждӧм	Верх-Буждом	326	123	Иньвайыв
Гажамыс *	Веселый Мыс	284	92	Иньвайыв
Лӧньгорт *	Тихий	308	104	Степановчи
Новосёвскӧй	Новоселовский лесоучасток	46	17	Степановчи
Ӧрна	Эрна	314	96	Ошыб
Перытгорт *	Быстрый	116	37	Степановчи
Шарволь	Шарволь	29	12	Ошыб

• Грезддэз (деревняэз):

Коми ним	Роч ним	Морт (2009.01.01)	Горт (2009.01.01)	Посад му
Александровчи	Александрова	5	5	Белоёв
Амон	Амонова	53	27	Степановчи
Анань	Ананьева	94	32	Белоёв
Аразай	Аразаева	3	2	Иньвайыв
Артамон	Артамонова	194	66	Степановчи
Архипов	Архипова	70	25	Ошыб
Багрова	Багрова	13	8	Ленинск
Балкач	Балкачи	31	16	Ленинск
Баран	Баранова	136	34	Ошыб
Баран	Баранова	30	15	Степановчи
Батин	Батина	101	38	Йӧг
Болка	Болка	23	9	Ленинск
Борисовчи	Борисова	55	21	Степановчи
Бормотовчи	Бормотова	82	32	Ленинск
Боярскӧй	Боярская	11	8	Степановчи
Бражкин	Бражкина	65	19	Белоёв
Брюшнина	Брюшинина	1	1	Ленинск
Бурлова	Бурлова	11	5	Ленинск
Буслаева	Буслаева	14	4	Ленинск
Вагановчи	Ваганова	264	101	Йӧг
Важ Кузьва	Старая Кузьва	28	14	Белоёв
Важ Пальник	Важ-Пальник	9	3	Ошыб
Важ Пашня	Важ-Пашня	94	37	Белоёв
Важ Чигас	Важ-Чигас	32	17	Белоёв
Важ Шляпинчи	Старая Шляпина	75	24	Ошыб
Вальков	Валькова	22	8	Иньвайыв
Васёвчи	Васева	113	39	Иньвайыв
Василёвка	Васильевка	2	2	Степановчи
Вась Пальник	Вась-Пальник	1	1	Белоёв
Васькин Гар	Васькина Гарь	7	5	Ленинск
Васюк (Куваланьын)	Васюкова	88	35	Белоёв
Васюк (Белоёвланьын)	Васюкова	7	5	Белоёв
Вежайка	Вежайка	34	13	Иньвайыв
Видзай	Визяй	92	34	Иньвайыв
Виль Жуков	Виль-Жукова	26	11	Иньвайыв
Виль Конан	Виль-Конанова	25	8	Ошыб
Виль Чигас	Виль-Чигас	12	10	Белоёв
Виль Чукыль	Виль-Чукылева	17	10	Ошыб
Виль Шляпинчи	Новая Шляпина	41	19	Ошыб
Виль Шулай	Виль-Шулай	86	40	Иньвайыв
Вопадор	Лопвадор	15	11	Белоёв
Вопатин	Лопатина	152	68	Степановчи
Вуровчи	Вырова	145	59	Степановчи
Габов	Габова	27	13	Йӧг
Гаврилова	Гаврилова	34	12	Ленинск
Гаврук	Гаврукова	157	48	Иньвайыв
Гайшор	Гайшор	27	15	Ленинск
Галю	Галина	16	10	Ленинск
Галюк	Галюкова	28	12	Ошыб
Ганин	Ганина	25	13	Иньвайыв
Герскан	Дерсканова	32	12	Йӧг
Голубков	Голубкова	10	6	Иньвайыв
Гӧрдин	Гордина	2	2	Белоёв
Гришунь	Гришунева	98	34	Иньвайыв
Гурин	Гурина	44	21	Иньвайыв
Гурин	Гурина	354	107	Йӧг
Гыр	Гырова	22	10	Иньвайыв
Даньшин	Даньшина	11	4	Йӧг
Девин	Девина	75	23	Ошыб
Дёма	Демина	393	110	Иньвайыв
Дёмина	Демина	103	43	Степановчи
Дзульган	Зюльганова	128	47	Степановчи
Додоновчи	Додонова	14	6	Йӧг
Евдокимова	Евдокимова	18	11	Ленинск
Епанов	Епанова	41	18	Белоёв
Еремушкин	Еремушкина	5	5	Иньвайыв
Ермак	Ермакова	67	21	Йӧг
Ершова	Ершова	13	5	Ленинск
Ёгоров	Егорова	287	79	Ошыб
Жак Ключ	Жак-Ключ	1	1	Ленинск
Живые	Живые	46	16	Ленинск
Закаровчи	Захарова	49	20	Ошыб
Заполлё	Заполье	5	3	Белоёв
Заполлё	Заполье	54	21	Иньвайыв
Иванкова	Иванкова	30	11	Ленинск
Ивашков	Ивашкова	22	7	Белоёв
Илля	Ильичи	30	14	Белоёв
Исаков	Исакова	11	5	Белоёв
Йӧвсин	Евсина	13	5	Белоёв
Йӧгич	Егичи	30	11	Белоёв
Казарин	Казарина	50	25	Ленинск
Калинин	Калинина	10	5	Иньвайыв
Калинина	Калинина	45	16	Ленинск
Камашор	Камашор	52	23	Йӧг
Канамовчи	Канамова	3	3	Ленинск
Карбас	Карбас	173	62	Белоёв
Карина	Харина	131	59	Степановчи
Каринов	Харинова	34	15	Иньвайыв
Карп Васька	Карп-Васькина	15	6	Белоёв
Карпина	Карпина	52	17	Ленинск
Кватьпель	Садовая	74	23	Иньвайыв
Кекур	Кекур	1	1	Ленинск
Кекур	Кекур	421	124	Степановчи
Киршин	Киршина	150	42	Ошыб
Ключи	Ключи	45	11	Ленинск
Ключмыс	Ключ-Мыс	3	2	Иньвайыв
Ковыляйчи	Ковыляева	68	23	Иньвайыв
Кожин	Кожина	33	10	Степановчи
Козвовчи	Козлова	14	9	Белоёв
Козвовчи	Козлова	123	49	Йӧг
Кокорина	Кокорина	34	9	Иньвайыв
Конан	Конанова	244	78	Ошыб
Конина	Конина	9	6	Ленинск
Коньшин	Коньшина	12	5	Белоёв
Королёв	Королева	3	2	Белоёв
Корчовня	Корчевня	337	113	Йӧг
Косогор	Косогор	17	6	Белоёв
Косогор	Косогор	1	1	Ленинск
Косьва	Косьва	20	5	Ошыб
Коштан	Коштанова	43	16	Иньвайыв
Кузовок	Кузолова	1	1	Иньвайыв
Кузьва	Кузьва	280	104	Белоёв
Кузьминчи	Кузьмина	72	23	Ошыб
Кукшун	Кукшинова	88	31	Иньвайыв
Курдюк	Курдюкова	15	4	Белоёв
Левинчи	Левина	130	45	Йӧг
Лёвинчи	Левина	39	13	Иньвайыв
Лёль	Лелёва	74	26	Иньвайыв
Вогин	Логинова	21	10	Иньвайыв
Лячкан	Лячканова	15	11	Йӧг
Мавак	Малахова	36	12	Белоёв
Маваков	Малахова	9	4	Ошыб
Мазунина	Мазунина	13	6	Ленинск
Максим	Максимова	7	2	Ошыб
Мальчов	Мальцева	190	70	Белоёв
Мартин	Мартина	63	19	Йӧг
Мартя	Мартюшева	10	6	Иньвайыв
Мелекин	Мелехина	227	71	Ошыб
Метшкӧр	Мечкор	114	41	Белоёв
Мижуй	Мижуева	289	81	Йӧг
Минядын	Минядын	28	13	Белоёв
Миронова	Миронова	55	19	Степановчи
Мить	Митева	5	5	Белоёв
Митрок	Митрокова	0	0	Ленинск
Мишпиян	Миш-Пиян	94	33	Иньвайыв
Мов (Курӧг)	Молова	80	30	Йӧг
Москвина	Москвино	289	82	Иньвайыв
Мошов	Мошева	166	49	Белоёв
Мурмар	Мурмарова	76	26	Йӧг
Мутшак	Мучаки	27	8	Ленинск
Нёльсин	Нельсина	55	27	Иньвайыв
Нёпин	Непина	111	39	Белоёв
Нестёров	Нестерова	54	23	Иньвайыв
Николичи	Николичи	9	3	Белоёв
Новожилов	Новожилова	11	7	Иньвайыв
Новосёв	Новоселова	122	45	Ошыб
Нуков	Внукова	85	35	Иньвайыв
Онтон	Антонова	20	11	Иньвайыв
Онтроп	Антропова	16	7	Йӧг
Осиповчи	Осипова	2	1	Белоёв
Остапова	Остапова	59	17	Степановчи
Ош	Ошова	27	8	Ленинск
Ӧльӧк	Алекова	153	47	Йӧг
Ӧндриан	Андриянова	25	13	Иньвайыв
Ӧника	Аникина	33	10	Иньвайыв
Ӧреп	Арефьева	26	14	Йӧг
Öсип	Осипова	47	19	Ошыб
Падей	Фадеева	29	8	Ошыб
Паль	Палева	15	4	Белоёв
Паль	Палева	95	41	Иньвайыв
Пання	Панья	10	5	Ленинск
Панняшор	Паньяшор	26	10	Иньвайыв
Пару	Парфенова	62	23	Иньвайыв
Пару (Парпиян)	Парфенова	3	3	Ленинск
Паршак	Паршакова	32	10	Йӧг
Патрук	Патрукова	117	31	Ошыб
Педӧтовчи	Федотова	13	5	Йӧг
Перков	Перкова	132	47	Белоёв
Перша	Першина	33	21	Белоёв
Петук	Петухова	111	30	Ошыб
Пидай	Пидаева	73	26	Степановчи
Питер	Питер	40	18	Иньвайыв
Пиктовка	Пихтовка	89	26	Белоёв
Плешковчи	Плешкова	64	22	Ошыб
Плотникова	Плотникова	146	53	Степановчи
Подволошнӧй	Подволочная	2	1	Иньвайыв
Подгора	Подгора	52	24	Ленинск
Позагорт	Позагорт	0	0	Ленинск
Поносов	Поносова	112	50	Йӧг
Порськок	Порськокова	114	42	Йӧг
Почкина	Почкина	87	36	Степановчи
Пронёвчи	Пронева	38	14	Йӧг
Пронин	Пронина	20	13	Иньвайыв
Пронин	Пронина	18	8	Йӧг
Пронина	Пронина	50	19	Ленинск
Пруддор	Пруддор	62	23	Белоёв
Путой	Путоева	16	6	Иньвайыв
Пятина	Пятина	58	24	Ленинск
Разин	Разина	145	41	Иньвайыв
Ракшина	Ракшина	106	48	Ленинск
Ректан	Ректанова	4	2	Йӧг
Родёв	Родева	26	9	Йӧг
Рӧдинчи	Родина	49	23	Йӧг
Рӧдя	Родина	8	4	Ленинск
Романова	Романова ?	55	24	Степановчи
Рочов	Рочева	118	27	Ошыб
Савин	Савина	67	19	Йӧг
Савин	Савина	21	7	Ошыб
Санюкова	Санюкова	19	5	Ленинск
Саранин	Саранина	39	14	Белоёв
Сель	Селева	24	10	Иньвайыв
Сельков	Селькова	0	0	Ленинск
Сеня	Сенина	52	21	Белоёв
Сенинов	Сенина	73	32	Иньвайыв
Сенькашор	Сенькашор	10	3	Ошыб
Сергеёв	Сергеева	17	12	Белоёв
Сергина	Сергина	13	6	Степановчи
Сидӧршор	Сидоршор	152	56	Ленинск
Сидӧр	Сидорова	13	8	Иньвайыв
Сидӧр	Сидорова	25	11	Ленинск
Сизь	Сизёва	28	9	Ошыб
Сили	Силина	8	6	Белоёв
Силин	Силина	2	1	Иньвайыв
Слудинчи	Слудина	95	32	Йӧг
Сопонко	Софонкова	70	31	Степановчи
Сопрон	Сафронова	12	5	Степановчи
Сордва	Сордва	31	16	Йӧг
Спас	Спасова	13	6	Ленинск
Степановчи	Степанова	540	172	Степановчи
Сыввож	Сылвож	91	33	Ленинск
Сыстеровчи	Сыстерова	14	6	Йӧг
Сюзьпозъя	Сюзь-Позья	197	69	Ошыб
Тарасовчи	Тарасова	27	8	Ошыб
Таров	Тарова	489	170	Степановчи
Таскай	Таскаева	2	2	Иньвайыв
Тебень	Тебенькова	141	42	Белоёв
Тикӧнята	Тихонята	15	7	Ленинск
Типруш	Кипрушева	13	4	Белоёв
Треттёв	Третьева	9	4	Белоёв
Трошов	Трошева	39	16	Белоёв
Трошовчи	Трошева	125	50	Иньвайыв
Трӧпезник	Трапезники	45	16	Ошыб
Тшакылёвчи	Чакилева	40	28	Степановчи
Учӧт Зон	Учет-Зон	29	11	Иньвайыв
Учӧт Сер	Малая Серва	345	86	Степановчи
Учӧт Сидӧр	Малая Сидорова	64	22	Белоёв
Учхоз	Учхоз	89	16	Иньвайыв
Филаева	Филаева	13	5	Ленинск
Чаверина	Чаверина	7	3	Ленинск
Черӧмнӧй	Черемнова	51	19	Иньвайыв
Чибьян	Цыбьян	10	5	Белоёв
Чивизгин	Алексеевка	27	12	Йӧг
Чукыль	Чукылёва	32	15	Йӧг
Чышыв ?	Чащилова	111	36	Йӧг
Шабур	Шабурова	9	7	Йӧг
Шадрин	Шадрина	202	70	Белоёв
Шайдыр	Шайдырова	14	5	Ленинск
Шыпичи	Шипицына	49	13	Йӧг
Шорйыв	Шорйыв	59	16	Белоёв
Ыджыт Сер	Большая Серва	297	134	Степановчи
Ыджыт Сидӧр	Большая Сидорова	111	43	Белоёв
Юковчи	Ивукова	227	79	Степановчи
Юньга	Юньга	109	37	Иньвайыв
Юсай Пешнигорт	Заречный Пешнигорт	67	28	Степановчи
Юсьвадор	Юсьвадор	?	?	Иньвайыв
Ягӧдин	Ягодина	56	21	Йӧг
Якина	Якина	7	4	Ленинск
Якшин	Якшина	?	?	Иньвайыв
Яраш	Ярашова	45	17	Иньвайыв

Видзӧт сідзжӧ

• Перем ладорись Коми кытш
• Иньвенса
• Кудымкар

Ыстісяннэз

• Кудымкар районісь веськӧтланлӧн сайт
• Коми кытшлӧн сайт

Ӧшмӧссэз

• География Коми-Пермяцкого автономного округа. Пермь, 1992. ISBN 5-7625-0162-0.
• Коми-Пермяцкий автономный округ на рубеже веков. Кудымкар, 2000. ISBN 5-87901-051-1