Кулӧмдін район

Вуктыл район Коми Республикаын

Кулöмдiн район (рочöнжык – Усть-Куломскöй район) – веськöтлан юкöт Коми Республикаын; республикалöн 15 районiсь öтiк.

Веськöтлан шöрин – Кулöмдiн посадын. Кулöмдiнсянь Сыктывкарöдз 189 км ылына.

Районыс аркмöтöм 1929 июль 15 лунö.

География

Кулöмдiн районыс 26,2 сюрс км² ыжда. Куйлö Коми Республика лунвылын. Межаасьö Уква кар кытшкöт да Сöснагорт районкöт ойвылын, Мылдiн районкöт асыввылын, Перем ладоркöт и Коми кытшыскöт лунвылын да Кöрткерöс районкöт рытвылын.

Мувевдöрыс – мыссэза волькытiн, кöдö торйöтöны юэз.

Медыджыт ю Кулöмдiн районас – Эжва, кöда дорын сулалö ачыс Кулöмдiныс да районiсь мöдiк гырисьжык посаддэз. Район кузя котöртöны и Эжвалöн вожжес: Войвыв Кöтйöм, Лунвыв Мылва, Нем, Вöль да мöдiк юэз.

Климат районас шöркодя континентвывся. Январ коста шöрöт шонтöгыс –15,5 °С, июль коста +16 °С.

Колана шедтассэз: строитчан материаллэз (сы лыдын мраморвевья доломиттэз да строматолитвевья извесняккез), торф, мусир, унаазота геливевья газзэз, мурöма шом, алмаззэз, зарни. Тиман да Пузла гöгöрын куйлöны бур бокситтэз, кöднаын уна сёйму да етша кöрт.

История

Медодзза морт Кулöмдiн ладорö локтöма эшö мезолит кадö, 8–10 сюрс годöн миян луннэзся одзжык. Районiсь адззалöмась археология сьöртi уна казьмöтан из эпохасянь шöрöт веккезöдз. Ны коласын оланiннэз, шойнаэз, юрбытанiннэз.

Татiсь грезддэз (деревняэз) йылiсь медодз казьтывсьö Яренск уезд гижöтан небöгын (ХVII век). Сiя жö векся мöд джынас, отирыс татöн унажык лоöма да, аркмис торья волось, кöдалöн шöрин лоис Кулöмдiн погостын.

XVIII векö татiсь муэз вылö пондiс буржыка видзöны роч кан (государство). Екатерина II, медбы лöсьöтны ва туй Чочком да Каспи саридззез коласын, шуис öтлаöтны Волгасö Вынва бассейнкöт. Эта понда 1776-сянь 1822 годöдз татöн гарйисö канал (Ойвыв Кать канал). Каналыс уджалiс сэсся 1822-сянь 1848 воöдз, но и сы бöрын, кöр сiйö кан нимянь пöдналiсö, крессяна да купеччез кыскывлiсö сы кузя товаррез. Öнi эшö кöркöся канал доррезын тыдалöны киссьöм шлюззэз.

XIX пом кежö Кулöмдiн буракодь ни быдмöма да лоöм веськöтлöмын, кöзяйствоын да культураын тыдалана шöрин туйö. Сы ладорын осьтöмась велöтанiннэз: Кулöмдiнö – училищё (1843), Немдiнö – школа (1860), Помöсдiнö – бöра училищё (1861). 1890 воын Кулöмдiнас лöсьöтöмась медодзза больнича, а 1899 воын и медодзза библиотека. XIX век мöд джынын архитекторрез А.Иваницкöй да В.Шильдкнехт проекттэз сьöртi Ульянаас вильмöтöмась Стречалун нима Степан монастырлiсь керкуэз. Важ висьттэз сьöртi монастырсö лöсьöтöма эшö вежа Степан XIV векын. Этiя монастырыс дыр кад сьöрна вöлöма вичкуся шöринöн Коми муын.

Кан нимсянь Кулöмдiн район вöлi осьтöма 1929 годö июль 15 лунö. Сэк ВЦИК и лэдзöма постановленнё виль веськöтлан юкöт аркмöтöм йылiсь.

Отир

Олiссез Кулöмдiн районас 30,7 сюрс морт. Олöны унажыкыс комиэз (70%) да роччез (20%).

Веськöтлöм

Район вылын юралiсьыс Каплин Сергей Петрович (2007 мартсянь). Веськöтланыс: 168060, Кулöмдін район, Кулöмдін посад, Сöвет туй, 37. Факсыс (82137) 946-91. Районiсь сöветын медыджыт – Кондрашкин Александр Николаевич.

Янсалöм

Кулöмдiн район янсöтчö 22 посадму вылö.

Посадму	Кыным оланiн	Веськöтлан	Факс	Юралiсь
Аныб посадму	2	160064, Аныб посад, Шöр туй, 172	(82137) 922-21	Панюкова Валентина Ивановна
Вöльдін посадму	3	168093, Вöльдін посад, Шöр туй, 34а	(82137) 977-36	Андриевская Ирина Александровна
Дереваннöй посадму	1	168062, Дереваннöй посад, Шöр туй, 196а	(82137) 927-46	Гуляева Галина Васильевна
Дзоль посадму	2	168085, Дзоль посад, Шöр туй, 81	(82137) 949-61	Тарабукина Валентина Пантелеймоновна
Діасерья посадму	2	168091, Діасеръя посёлок, Д. Каликова туй, 28	(82137) 983-17	Попова Анастасия Алексеевна
Дон посадму	3	168077, Дон посад, Шöр туй, 73	(82137) 992-42	Тарабукин Василий Николаевич
Зимстан посадму	4	168082, Зимстан посёлок, Интернационал туй, 1	(82137) 920-80	Ракина Наталья Михайловна
Кебанъёль посадму	1	168065, Кебанъёль посёлок, Ленин туй, 6	(82137) 964-22	Зайцева Валентина Вячеславовна
Керчомья посадму	1	168079, Керчомъя посад, Шöр туй, 230	(82137) 963-44	Траилина Любовь Егоровна
Крутоборка посадму	2	168088, Крутоборка посёлок, Шöр туй, 60	(82137)	?
Куж посадму	4	168066, Куж посад, Шöр туй, 138	(82137) 995-41	Липин Игорь Павлович
Кулöмдін посадму	2	168060, Кулöмдін посад, Гагарин туй, 1	(82137) 942-26	Пунегова Ольга Владимировна
Мыс посадму	1	168072, Мыс посад, Шöр туй, 90	(82137) 915-18	Паршуков Валентин Александрович
Немдін посадму	1	168070, Немдін посад, Тимушев туй, 73	(82137) 913-22	Пименов Анатолий Васильевич
Носим посадму	2	168061, Носим посад, Сöвет туй, 26	(82137) 991-17	Гилев Пётр Магометович
Парч посадму	2	168071, Парч посад, Сиктса туй, 24	(82137) 914-21	Лодыгин Рудольф Иванович
Пожöг посадму	9	168097, Пожöг посад, Шöр туй, 9	(82137) 976-67	Сенькин Василий Иванович
Помöсдін посадму	7	168090, Помöсдін посад, Сордйыв туй, 5	(82137) 974-81	Ужицкий Алексей Иванович
Руч посадму	2	168063, Руч посад, Шöр туй, 213	(82137) 921-41	Вологжанин Михаил Григорьевич
Тымсер посадму	2	168075, Тымсер посёлок, Сöвет туй, 9	(82137) 955-84	Паршукова Галина Николаевна
Улыс Воч посадму	4	168083, Улыс Воч посад, Шöр туй, 25а	(82137) 925-31	Ширяева Валентина Александровна
Югыдъяг посадму	6	168074, Югыдъяг посёлок, Школадор туй, 4	(82137) 952-89	Ау Владимир Ионардович

Оланiннэз

Кулöмдiн районын 63 оланiн: 16 посад, 22 посёлок да 25 грезд.

Коми ним	Роч ним	Статус	Мымда олiсь (2007)	Индекс	Посадму
Аныб	Аныб	посад	262	168064	Аныб посадму
Бадьёль	Бадьёльск	грезд	290	168091	Помöсдін посадму
Белоборск	Белоборск	посёлок	330	168073	Югыдъяг посадму
Вад	Вад	посёлок	38	168066	Югыдъяг посадму
Важ Эжва	Важ-Эжва	посёлок	4	168066	Югыдъяг посадму
Великополье	Великополье	грезд	202	168096	Пожöг посадму
Вомынбöж	Вомынбож	грезд	172	168097	Пожöг посадму
Вöль	Воль	грезд	14	168086	Улыс Воч посадму
Вöльдiн	Вольдино	посад	270	168093	Вöльдін посадму
Вылыс Воч	Верхний Воч	грезд	237	168083	Улыс Воч посадму
Выльгорт	Выльгорт	грезд	557	168090	Помöсдін посадму
Габов	Габово	грезд	31	168082	Дзоль посадму
Дёма	Дёма	грезд	6	168083	Улыс Воч посадму
Дереваннöй	Деревянск	посад	1024	168062	Дереваннöй посадму
Джеджим	Жежим	грезд	156	168078	Дон посадму
Дiасёрья	Диасёръя	посёлок	566	168091	Діасерья посадму
Дзоль	Дзёль	посад	235	168082	Дзоль посадму
Дзоля Аныб (Öлек)	Малый Аныб	грезд	1	168064	Аныб посадму
Дон	Дон	посад	542	168077	Дон посадму
Зимстан	Зимстан	посёлок	1537	168082	Зимстан посадму
Ичöт Куж	Малая Кужба	грезд	231	168066	Куж посадму
Канава	Канава	грезд	47	168086	Югыдъяг посадму
Кебанъёль	Кебанъёль	посёлок	2056	168065	Кебанъёль посадму
Кекур	Кекур	грезд	463	168097	Пожöг посадму
Керчомья	Керчомъя	посад	1437	168079	Керчомья посадму
Климов	Климовск	посёлок	14	168082	Зимстан посадму
Крутоборка	Крутоборка	посёлок	5	168233	Крутоборка посадму
Куж	Кужба	посад	373	168066	Куж посадму
Кулöмдiн	Усть-Кулом	посад	5085	168060	Кулöмдін посадму
Кырныша	Кырныша	грезд	147	168090	Помöсдін посадму
Лебежнöй	Лебяжск	грезд	142	168071	Парч посадму
Лопьювад	Лопъювад	посёлок	461	168076	Тымсер посадму
Лöгинъяг	Логинъяг	посёлок	352	168082	Зимстан посадму
Лунпока	Лунпока	грезд	0	168097	Руч посадму
Мальö	Мале	грезд	62	168097	Пожöг посадму
Мöдлапöв	Модлапов	грезд	206	168090	Помöсдін посадму
Мыс	Мыёлдино	посад	573	168072	Мыс посадму
Немдiн	Усть-Нем	посад	851	168070	Немдін посадму
Носим	Носим	посад	259	168060	Носим посадму
Нюмыд	Нюмыд	посёлок	1	168232	Крутоборка посадму
Озъяг	Озъяг	посёлок	598	168068	Куж посадму
Парма	Парма	грезд	11	168060	Кулöмдін посадму
Парч	Парч	посад	142	168071	Парч посадму
Паспом	Паспом	посёлок	439	168060	Носим посадму
Пожöг	Пожег	посад	499	168097	Пожöг посадму
Пожöгдiн	Пожегдин	грезд	394	168096	Пожöг посадму
Помöсдiн	Помоздино	посад	1317	168090	Помöсдін посадму
Пузла	Пузла	посёлок	325	168092	Вöльдін посадму
Руч	Руч	посад	898	168063	Руч посадму
Скöрöдум	Скородум	грезд	501	168095	Помöсдін посадму
Смолянка	Смолянка	посёлок	820	168073	Югыдъяг посадму
Сордйыв	Сордйыв	грезд	142	168096	Помöсдін посадму
Сьöдтыдiн	Седтыдин	грезд	1	168095	Пожöг посадму
Тымсер	Тимшер	посёлок	1204	168075	Тымсер посадму
Улыс Воч	Нижний Воч	посад	513	168083	Улыс Воч посадму
Улыс Ярашью	Нижний Ярошъю	посёлок	223	168096	Пожöг посадму
Ульяна	Ульяново	посёлок	179	168067	Куж посадму
Фролов	Фроловск	грезд	42	168082	Зимстан посадму
Шöрьяг	Шэрьяг	посёлок	241	168078	Дон посадму
Югыдтыдор	Югыдтыдор	грезд	33	168091	Діасерья посадму
Югыдъяг	Югыдъяг	посёлок	1918	168074	Югыдъяг посадму
Ягкöдж	Ягкедж	посёлок	509	168094	Вöльдін посадму
Ярашью	Ярашъю	посёлок	478	168096	Пожöг посадму

Экономика

Кулöмдiн районын öнi осьтöмöсь 300-ся унажык уджаин. Нысся эмöсь ас вылö уджалiссез 375-а. 25% отирыс ноксьöны промышленносьын, 6,6% му-видз уджалöмын да 33% вузасьöмын.

Му-видз уджалöм районас видзöны нёль СПК («Пожöг», «Помöсдiн», «Руч2», «Пожöг-3К»), крессяна-фермеррезлöн 28 кöзяйство, кык ООО («Кулöмдiнса МТС», «Кулöмдiнса ПМК»). Этася отирыс видзöны 11256 ас кöзяйство. Во сьöрна шöркодяс му-видз уджаиннэз лэдзöны продукция 80 млн. шайт дон.

Му-видз угоддёэз быдсöн районас 15,9 сюрс га, куимöт тор ныись – гöран муэз. Пода видзöмын продуктаэз лэдзöмыс лоö, лыддьыны кö ловья сьöкта сьöртi, 115 т., 1,3 сюрс т. йöв, 1,5 т. чери.

Промышленносьын шöркодяс во сьöрна лэдзöны товарресö 1 млрд. шайт дона.

Ыджыт пай район кöзяйствоö пуктö вöрлэдзöм. Быд во заптöны 1 млн. кубометрася унажык пу, лэдзöны 60 сюрс кубометра пиломатериаллэз. Öнi районас мöдöны лöсьöтны пу керöтан завод (ООО «ЦентроВудКом»), кöдалöн этшыс лоас 750 сюрс кубометра мымда дась лэдзöмыс.

Автотуйезлöн öтласа кузя 900 км, куимöт тор ныись чорыт вевттьöсаöсь.

Телефон пыр йитчыны öнi позьö кокнита. Эм сiвывся оптик визь Сыктывкар–Кулöмдiн, 10 оланiнын лöсьöтöмöсь лыдпасвывся станцияэз, быд оланiнö сувтöтöмöсь öтласа таксофоннэз. Мобильниккез пыр йитчöм видзöны операторрез: «МТС», «Мегафон», «Теле2», «Билайн».

Культура

Кулöмдiн районын петö коми кыв ылын казета «Парма гор». Эм литература сьöртi клуб «Эжва». Кулöмдiнiсь библиотекаын быд во чулöтöны Тима Веньлö сиöм лыддьöтöммез.

Кулöмдiн район ошшасьö аслас коми гижиссезöн:

• Бабин Вячеслав
• Ельцова Алёна
• Лодыгин Василий
• Напалков Виктор
• Сандрик Ёгор
• Сандрик Микол
• Тима Вень
• Тимушев Эдуард
• Ульянов Öльöксан
• Шахов Борис
• Шахов Петр

Районын чулöтöны быдвося гажжез:

• январ 13 лун – коми сьыланкыв сьöртi республикаись фестиваль «Василей»
• февраль – киподтуя йöзлöн конкурс
• март – фестиваль «Том дарованнёэз»
• май – Носим посадын «Стречалун», коми небöглöн вежалун
• июнь – Керчомья посадын «Пыжа гаж»
• июль 6 лун – Помöсдiн посадын «Гажа гулянка»
• июль 7 лун – Дереваннöй посадын «Иван лун»
• август 2 лун – Руч посадын «Илья лун»

Öшмöссэз

• Кулöмдiн районiсь веськöтланлöн сайт
• Афанасьев А. П. Топонимия Республики Коми. Сыктывкар: Коми кн. изд-во, 1996 ISBN 5-7555-0554-3
• Жеребцов И. Л. Где ты живёшь: Населённые пункты Республики Коми. — Сыктывкар: 2000.
• Историко-культурный атлас Республики Коми. — М: Дрофа, 1997. ISBN 5-287-00027-8
• Республика Коми. Энциклопедия в 3-х томах. — Сыктывкар: Коми книжное издательство, 1997, 1998, 1999. — Т. I, II, III. ISBN 5-7555-0617-5

Коми Республика веськöтлöм могись янсалöм
Канкар: Сыктывкар Каркытшшез: Вöркута • Инта • Сыктывкар • Уква • Ускар Районнэз: Вуктыл • Емва • Емдiн • Изьва • Койгорт • Кöрткерöс • Кулöмдiн • Луздор • Мылдiн • Печора • Сöснагорт • Сыктыв • Сыктывдiн • Удора • Чилимдiн